小朋友大小肌肉都發展唔好， 各樣野都差d, 老師建議repeat多一年K2, 小朋友個老豆好唔想， 同老師講到話會點點配合， 返到屋企做功課完全唔理， 叫佢理下只係識一野就打個仔仲要係打頭， 我真心覺得佢有病，從來冇理過個仔， 三歲就開給用粗口話個仔，又專打頭， 我真心覺得， 如其係咁做一個單親媽媽好好多， 起碼個仔唔駛比人虐待， 就唔駛比d賤人話我唔識教仔， 仲話係咁縱個仔，真係唔知乜人種
1個讚
同情小朋友，你要畀多啲愛佢，小朋友越大做家長就越要面對佢長大嘅各方面問題，除非佢老豆可以改變到心態，否則日後拗撬爭吵同打小朋友嘅情況唔會停，你退一步，小朋友就受傷害多一啲。有啲嘢無得忍。
多謝你，個老豆好似精神病咁
為母則強，要保護小朋友，如果可以，離開個爸爸
下，打頭？冇L野啊
有冇睇過咩醫生？都好少K2要留班，睇吓有冇需要做下評估之類。
肌肉發展差啲就要玩多啲，帶去公園玩，爬下跑下都有幫助！砌下lego個啲都有幫助！
（不是專業建議）
你老公越癲你就要越冷靜，唔好比佢癲到你！見勢色不對就帶小朋友出去，大家都冷靜下！
辛苦你喇
1個讚
打懵左係咪佢負責先
痴L線
你見到嘅時候就係打頭，咁你見唔到嘅時候呢？
而家打得你個小朋友，下次就係打你
搵社工開File，搬小朋友去外家度住
有得repeat 應該repeat
個老豆應該接受唔到仔仔無想像中咁叻
一做唔到就打
等老豆平心靜氣時同佢傾下仔大個，火遮眼都無用，愈打愈差，要佢好就接納老師建議，人生路好長，依家唔識，讀多年就會識。
老師留意到小朋友大小肌肉發展唔好，家長可以響呢方面多d訓練下，幫佢改善。咁細嘅小朋友要追進度唔係好難，除非係 physically 有問題。 幼稚園有同學都收到老師咁嘅評語，佢媽媽日日帶佢去公園跑、玩彈床、學畫畫油顏色… 一個學期情況就有改善，你可以參考下。
至於個爸爸，佢可能接受唔到個仔同心中理想有落差，本身又冇耐性同方法教仔，所以唯有打佢表示不滿，同怪落其他人度推卸自己責任。一句到尾咁做爸爸真係失敗。如果d細路打下就會醒就做到嘢，咁就唔會有虐兒罪啦。不如你同佢分下崗位，你管功課讀書呢類要多啲耐性嘅工作；佢負責去公園、踢波呢啲體力活動，各施其職幫下個仔。呢個崗位淨係玩啫，應該冇乜機會比佢發脾氣卦…
1個讚
佢又唔係唔錫個仔， 但又係咁話個仔， 精神分裂咁
係呀， 我都知， 其實除左睇過政府， 都有睇私家醫生， 你既建議其實都醫生郁好match, 佢都過嚟其實落差唔係太大， 當我地係仍需努力， 希望有用呀
佢爸爸係好接受唔到落差， 個問題係佢一直知， 但只係得把口….咁我都唔係一個好勤力既媽媽， 我都有責任， 不過我一個人真係搞唔掂
我本人其實唔介意讀書比人差， repeat都有考慮過， 但呀仔喊晒口話唔repeat, 咁我同仔仔傾話會比心機一齊努力咁lol
其實我想佢呀爸睇心理醫生， 係認真唔係晦氣說話， 當然佢唔so 我
我唔係度， 我個仔就唔敢曳。😮💨所以我老公就成日覺得問題喺我度….
我會呀， 再差落去， 我一定會， 接受唔到個仔咁比人打
我一定告爆佢
您既建議其實同私家醫生既議建好似， 咁我地要努力d呀， 有做評估呀， 但就話係比同齡慢左d,唔係咁差， 當然有好多努力既地方
我會努力， 多謝你
1個讚
唔識做就打，咁打完就識做？都忽忽哋！
唔好比個仔佢教，對你哋3個都唔好。
1個讚
我會好想問下個老豆
你細個比人打, 你都想佢停手唔好再打
點解你而家又打你個仔??
全中。想當年佢話完全唔會體瞓， 因為佢細個成日比佢呀媽打， 點知佢宜家成q日都打
成句扔返比佢啦
打仔仲要打頭
好想佢死咩
大人一巴好易出事架
試下搵個樽打你頭, 你都唔爽啦
有本事既, 搵街外人出氣
唔好返到屋企做大爺
拎個豆窿做你出氣袋
1個讚