BB 5 個月開始行TW 加固
7個月半開始唔鐘意被餵，佢唔食粥時我就比finger food 同我地一齊食飯，算係食得同掉得開心
而家9 個半月，比全Finger food 佢自己食，算係有放入口，不過約60%食物是咬幾啖就吐番出黎，所以餐後都不斷執同清潔
BB最鐘意食西蘭花/飯波/米餅
老公同婆婆最近就質疑BB飽唔飽及營養問題同幾時學識真係食飯。。
我有不斷鼓勵BB同家人要有信心
但有時我都會灰心 因為BB 好似無點進步 我不斷說服家人比D時間BB,但婆婆就擔心佢習慣左食飯係掉落地同吐食物
請問有無經驗的媽媽可指教
thanks
你放心，我個仔兩歲，明明識用叉同羹（唔叻），但係死都要用手食，食飯食麵都要用手那，話佢就另埋一面唔啋人。
但我果個十級為食，食唔飽佢唔會走。
你果個先9個半月，慢慢黎。
玩飯一定會架啦, 最緊要係開飯同俾點心要定時, 肚餓就會自己食落肚。
你最緊要係睇住長老唔好係其他時間俾野BB食, 如果食左點心唔肚餓, 你俾咩佢食都唔會吞。
出牙仔未？體重係咪每個月都有增長？
我BB九個月之前都食好少固體而且主要都係spoon fed，佢唔太鍾意拎住食物，但係一到左九個月有牙仔就勁肚餓，餵得慢啲都會開始嘈
出左牙仔 而家有5 隻 體重一向都50 生長線
其實我bb 鐘意食野 不過成日食幾啖就"nur"