有咩係香港先有，要買定去呢？
你係擔心BB用品定坐月嘅嘢？
中藥材？
但要睇吓有D中藥材唔可以帶入境
我自己就覺得去到外國住就跟返外國嗰套
唔會食咩中藥⋯⋯食有營養嘅嘢就得啦
1個讚
都唔一定係中藥嘅，可能有啲好嘅工具、用品，香港先買到，咁咪帶埋過去
見到呢邊咩都平啲，我真係諗唔到有咩要喺香港買過黎，除非必須指定日本牌子啦，咁呢邊難搵啲。
1個讚
其實買果啲一pack pack嘅坐月藥粉好啲，又或者買滴雞精（我自己無飲過）… 生完邊有咁好閒情逸致同你幾碗水煲到一碗水
我10年前係歐洲生，生完落得床後姑娘係會叫你去沖涼的，所以我第一日已經沖涼洗頭……我無正式坐過月，我係停咗人奶之後（阿仔1歲）先飲返啲中藥粉
開奶茶 七星茶 保嬰單 侯棗個些你睇下有無需要些旁身
呢邊中超未必有亦貴
帶些靚果皮，木耳產後煲湯煮送
可帶些m巾褲產後用，呢度得成人紙尿褲但無m巾褲。我個人認為m巾褲產後用幾方便
其實成人紙尿褲同m巾褲有咩唔同? 
估計吸力同舒適度有點不同吧，始終尿液較浠，但血液會結些黏稠些。
但而家技術好左可能都已有改善
唔知英國有冇薑皮買呢，香港可以就咁一包包買。不過個個人唔同，我第1胎時有用薑皮水沖涼，冇事。
第2胎小產，應該要坐小月，但我冇做到，之後頭痛，手指骨痛，好辛苦，咁就用返薑皮水沖涼，之後冇事。
不過可能個個體質唔同，有人唔用都冇事嘅。我自己就唔得。
到第3胎都係小產，唔敢再博，沖足1個月薑皮水涼。
薑可以去Costco買一袋袋買抵過去超市。
刨左皮薑可煲薑醋
唔想刨薑皮可用薑切片煲水
香港藥材舖現成薑皮其實唔太乾淨。自己切薑片煲或刨薑皮乾淨些
2個讚