兩歲仔仔自己瞓一間房，今朝差唔多清晨6點果時聽到佢係度飲泣。（其實佢有時都會差唔多時間起身喊住叫媽咪，咁我就會抱佢去我房再瞓）
我行去佢間房望下，見到佢企係床邊望住一個方向好驚咁掉野（枕頭，攬枕同被）。
我話唔洗驚，媽咪係度，但係佢縮左去角落頭坐左係度，仲係望住果個方向。
佢停左無喊，但我伸手抱左佢幾次都唔肯黎。之後佢突然起身跑去床尾想出去（床尾已經係門），好似搵到機會走咁，咁我就抱佢入我房，但佢都係表現得驚既，攬住我老公。我行開去toilet佢又喊。
但係幾個鐘之後佢又拎玩具自己入房玩，佢又唔驚喎。。。
我知小朋友富有想像力，可能係發惡夢當左係真，但係我又唔敢否定係果D野喎。 
你地覺得呢？ 
去衣紙舖查日腳，燒下嘢會安心D。
我覺得冇乜嘢
除非再發生多過一次
咁你就再睇下佢係咪發惡夢定咩事
小朋友發惡夢都好正常
唔駛自己嚇自己住
我細個有夢遊 曾經試過走去客廳某個位置然後指出窗外不斷咁大喊大叫
我夢中係見到鬼 但家人在現實中無見到任何野
呢件事只發生過一次 無唔舒服 無下文
所以我會話係發夢
咩叫查日腳？
我今朝直頭對住空氣講粗口叫“佢”快D走 
咁我希望佢都係發夢，盡快唔記得。驚佢唔肯瞓覺
你自己咁講時唔驚咩
查日腳即係check下撞到乜污嘈嘢，以後燒D衣紙化咗佢，去屋企附近嘅衣紙舖就可以，佢哋會查完再教你點做，只係求安心，做咗冇壞嘅。
聽講好有火咁講粗口係真係可以嚇走“佢地”。 
明白！會試下，謝謝你！
我自己親身經驗，因為我係一個成日發夢嘅人，發夢科學上都係你準備醒之前嘅淺睡狀態，有時就會係發緊夢嘅過程中因為有怪獸嗰啲就嚇醒咗，擘大眼嗰下會連隻怪獸個影像都copy埋去現實，所以真係會嚇一驚，我試過因為發夢嗰隻怪獸copy左落個風扇度，我嚇到一腳踢左個風扇落地下回神過來先笑死自己⋯⋯
等小朋友平靜返嘅時候可以嘗試吓問佢究竟發生咩事，或者你可以等佢重複第二次都咁發生嘅時候先問佢，我覺得好大機會只係發夢。
補充：小朋友太細個未必分到發夢同現實，所以你仔仔醒咗咁耐都仲好驚咁望住嗰到，可能佢會以為隻怪獸係現實。而我係10幾廿歲人都仲會咁樣所以會分到，但我都要成半分鐘時間先完清醒⋯⋯因為發夢真係好真實！尤其訓得唔好
信則有，不信則無。細路個個都係咁，瞓瞓下爬起身有時自言自語有時同你講嘢有時大喊有時手腳冰涼，3/4歲最犀利，7/8歲差唔多冇。
BB房有冇掛衫？我記得我細個同阿媽瞓，個床尾有個衣櫃，我阿媽好興掛件衫响個衣櫃出面對住張床，咁我一瞓低就會見到件衫，有時半夜瞓醒望到都會以為有個人企响度對住我㗎。
佢唔識講野所以問唔到 
佢之後果晚都可以自己係房瞓返，所以可能佢自己都知攪錯左。。。？
我都係咁諗呀。。。
有！同埋我放左3箱片片係佢間房，個箱上面有個BB model，佢果日好似係向住果個方向掉野，不過真正原因真係find out唔到。。。
正如我之前所講，都係以為有個人，bb太細分唔到，唔好亂諗嘢。
俾個實際建議你 佢喊 見到啲唔應該見嘅野 係因為陽氣唔夠 你就應該順勢而為 補充返啲陽氣過佢 用怒髮衝冠的戰鬥格當場喝斥隻野(小朋友驚恐望實的方向) 氣勢要勁到好似啲情緒失控警員喝罵市民同記者立即上返行人路咁 即使冇學過法 道氣都勁到可以暫時嚇走好多污糟野
我信架，我都有好嬲咁向住果個方和係咁小。不過一定無D專業人士小得咁有水準囉。人地學堂訓練過，我就C9仔一個。
其實未必嘅 了解玄學嘅會知道
力 係相對嘅
母親想守護自己孩子的願力遠勝過好多修行過的高手
玄學界一般有個規則 一個人即使修行再多再勁都好 都唔會隨便捲入其他人的恩怨情仇 尤其係攞正牌討債果類冤親債主 道力係好勁好勁㗎 唔夠料的師傅一旦去做嫁娘 下場可能好慘
幾年前有線怪談有個師傅就係因為擔業而收左皮 死左
所以佛教一直有講 神通不敵業力 即告誡修行人唔好隨便擔業 要有敬畏心同自知之明 
anyway 母親對孩子的愛就係最好的護法