以前睇掌話有條環遊世界旅行線
唔知咩嚟 同埋條生命線去到手背但係睇八字講到我婦科要捱刀又嫁唔出咁，好驚
我明阿～聽完真係會唔開心
但又諗返，比定個心理準備自己，多啲keep住check婦科，唔係咁易嫁得出就努力工作賺錢哄自己開心，選擇開心咁過，無老公可以有男朋友，最緊要靠自己賺到錢
我唔開心嘅係⋯今日睇我嗰個講到我連錢都賺唔到咁，嗰下真心灰
但都要努力做
希望唔係fix咗，會有轉機啦
今年仲求到支下籤
今日就爆玻璃插損咗
乖～無事的，好與壞聽完就算。最緊要調節自己心態，樂觀積極面對，即使真係行緊衰運，都會有人幫你
1個讚
其實咁多種占卜星相，無一個方法會全準，
我記得有個算命師傅講過，所謂姻緣運差嘅人唔等於會嫁唔出，只係可能冇咁易接觸到啱嘅人之類，所以應該要更加積極去識人，而唔係匿埋屋企就算。
所以我覺得去算下命參考下都好，邊方面缺失就試下做定準備睇下會唔會見到改變~
1個讚
咁你今年有無睇到流年啊？我都有興趣睇啊
有睇呀，今年我自己無乜嘢，係大環境唔好
會唔會講到d比較實際既野，例如A同B，佢會講到比你知做邊個決定比較好咁？定大包圍㗎？
其實好睇個師父功力
有d師父廢，你問個問題佢兜餐懵都答唔到呢個問題
有d師父根本你未問問題，佢已經同你講幾時做A，幾時做B
講緊兩個師父價錢一樣… 好嗰個可能平d
所以遇唔遇到好師父，又係一個緣份/際遇
所謂算命，即係幫你睇你個人生「劇本」，但點去演繹個劇本，好睇你自己
利申：無推介唔使pm
2個讚
最近有樣野我諗唔通，之後去左廟街，隨機揀，1檔睇流年，1檔睇塔羅，再去黃大仙求簽解簽，睇完好似無睇過咁，全部都好流，佢地全部講既野都係好大範圍講幾句就收工 
我講下2021年嘅流年回顧
我爸爸20年尾發現有cancer，個瘤好大，私家建議食鏢鈀藥，正苦就建議做手術
師傅話：見到爸爸有cancer，做咗手術就無事，可以活多十幾廿年
結果：做手術一切順利，上年年尾做咗CT scan，癌細胞無擴散，唔洗做化療，唔洗食藥，定期檢查就得
師傅話我8-9月會懷孕，自己決定要唔要，唔要就避孕
我向其他po都講過，本身我係好難懷孕，第一胎努力咗幾年先有
最後決定淨係努力8、9月，有就要，無就算
結果：9月就bingo咗
其他仲有啲教擺風水陣，有啲咩可以做唔可以做
果啲就無辦法確實係準定唔準
但總括睇咗咁多年，都係越嚟越好嘅
其實睇呢個師傅仲有好多神奇嘢可以講，因為我身邊啲朋友，屋企人都係睇佢，講得準嘅嘢真係好多，只係唔想好似打手咁係咁講佢啲嘢
4個讚
可以唔使浪費時間去揾呢類「江湖師父」啦
真係有料嘅師父，自己學問好，唔肯咁做「檔仔生意」㗎
一個師父嘅感覺都好重要
eg呢類檔仔師父話你會發達，其實可能只係每個月搵10萬
一個見慣世面嘅師父，點會覺得10萬係發達
1個讚
可以話我知你睇果個師傅嗎 thx
我都好有興趣知
呢度唔開名啦，想知可以pm我
想知邊個師傅呢
Pm 唔到你啊
可pm 我嗎 thx
試吓得唔得
請問可介紹嗎？