大家有冇去過算命?
1個讚
無，驚話自己唔好會形住
3個讚
我分別喺唔同年紀，唔同地方嘅檔口睇掌紋算命。
每次一睇我隻手，第一句就話我短命。
第4次係啲活動免費睇，諗住試多次啦。
結果都係講同一句嘢…之後我冇再去睇有關算命嘅檔口了。
1個讚
淨係睇掌紋？
有冇睇其他既師傅講過？
無算過…好地地唔去了，算完有咩唔好又形住，廢事搞啲煩惱出黎
1個讚
有, 但好似比錯咗時晨 
14:00講錯咗2:00
個人認為知道多D自己, 可多加留意, 分分鐘可因而避過~~
好嘅師傅應該可指點點做更好. 唔知有無好嘅推介下?
1個讚
有呀，每年都去一次睇流年，佢會睇手掌同8字。覺得8-9成準，當然有講好同唔好，講唔好既野會教你點改善，從生活習慣到改變自己，再去到擺少少風水野。
唔係導人迷信，好既師傅會幫你減輕問題，但信唔信/做唔做都係睇自己。
佢話我今年會易有小朋友(高齡），但同時要買少少植物加強，最後我3月中左，依家快20weeks 啦。
9個讚
都準喎，我自己冇睇過流年八字。驚俾人呃，又冇人介紹。
淨係睇掌，次次都係心血來潮而咁啱有檔係附近就去睇吓。點知個個都講同一句嘢。
流年八字都幾貴一次，所以一直冇睇過。
掌紋會變架,唔駛擔心~
1個讚
咁你真係唔洗信哂，以前我朋友生命線好短同好淺色，之後長返啲同深色返。
1個讚
你睇完掌，咁佢有冇指點迷津呀？
如果你因為佢講完既野有所改變，從而得到改善，下次你再去睇應該就唔會係講同一句野
我妹27歲同男朋友分手後去算命，話28歲會遇到真命天子， 錯過左就再冇姻緣
佢本身條件好的， 做護士，白白淨又瘦，會打扮， 有自己物業， 28歲單身期間好積極社交， 終於係教會搵到個男仔（我覺得係爛橙），冇上進心，30歲人裸辭話學野，到依家大半年了， 又冇返工，又冇學過野，住入左妹間屋，我問妹個男仔有冇付生活費， 妹話佢會出買飯盒的錢….
個男仔完全係爛橙， 但妹記住算命果句「錯過左就再冇姻緣」，執住個爛橙唔肯放手……
7個讚
點解唔睇多2個師傅？
妹覺得算命佬話果個時段會識到對象， 甘岩個男仔係果個時段出現， 妹覺得算命佬好準，佢信， 旁人勸唔到
你妹應該揀錯左,真命天子可能出現左,但未必即刻一齊架 
咁樣嘅指點迷津又真係好難頂。又咁，或者算命嘅又真係無錯，你妹條命嘅姻緣就係同個爛橙一齊……，又或者性格決定命運，若你妹性格強些，就唔會信算命，又唔會咁無信心以為爛橙就係真命
好似冇晒理智咁喎
1個讚
冇睇過呀，驚聽完佢講啲咩會影響到自己既決定。
唔知會唔會因為佢講完，而去做某啲野影響左自己
掌紋睇未來唔係幾準，除咗健康，
用嚟睇以前經歷就準啲。