一家4口無父幹，如果預算只緊緊買到3百幾尺，而且供得辛苦，比首期都差唔多無晒儲蓄，會唔會去買？定儲耐d錢好，但又怕到時樓價升得好快，好迷茫，定打消買樓念頭，租一世屋算
草錢移民
9個讚
Cash is king…睇定啲
3個讚
睇你諗唔諗住移民，份工穩唔穩陣，係咪覺得以後租屋都ok…
1個讚
剛剛買咗樓，分享下自己嘅睇法
Bb向19年出世，之後已經有考慮買樓，換過個生活空間係啱小朋友嘅
但係19年到而家發生咩事就唔再提啦，我同老公嘅結論係短期内唔會移民，既然要繼續向香港生活，住都係必需品
20年年中，開始留意樓盤，疫情期間樓價都無乜大上落，我哋就想睇埋21年移民潮，會唔會多人賣樓移民，樓價會低返啲
直到今年4月，樓市都無乜點郁，5月開始去睇樓，心水屋苑嘅樓盤反而仲有少許升幅，所以都唔再期望等樓價低先入市
如果經過疫情+移民潮，樓市都企得咁硬，再唔入市有啲驚而家揸住嘅cash追唔到市場升幅。再加上本身係有需要性（小朋友越嚟越大，覺得唔夠住），所以最後都係決定買樓
10個讚
係。社會運動,威肺 無乜令個樓市跌。
如有需要，我都認為買樓係岩。
經歷2019, 2020都樓價都唔跌，就知以後更加唔會跌，永遠都係有一班人攞黎炒（死全家)
自住既就快啲搞掂，你有小朋友就更加唔好等…
就算之後有咩事都可以賣樓，但租樓就唔得…
2個讚
買得起就快啲入手啦
本身2018-2019 加緊息
一個covid19攪到要大大減息再放水
但疫情過後就要收返水
如果唔係會經濟會過熱，超級通漲
而家美國已經收緊水, 下年開始加息
樓市一定冇運行
唔跌都唔會升
仲頂得住樓價既原因
就係仲有大陸人用香港樓做載體放d錢住喺香港先
但香港而家既政治環境…
大陸人仲係唔咁諗…
5個讚
我寧願儲錢，供樓太辛苦，萬一被炒就pk，而且香港宜家…
不過我住公屋，見好多人其實好有錢，不過排隊時申請時無錢，排到no就搵錢，審查時又’‘咁岩’'失業 (因為超額可2年內上訴重審)，上樓後又有工做。
買咗樓3年內都唔賣得，否則罰額外印花稅
既然短期都唔考慮移民，而住屋係需要
買樓係好多過壞
就算樓價跌，始終四幅牆都會屬於你
唔似股票咁，啲錢就蒸發咗
咁既財政,唔建議買…
2個讚
睇完各位意見，兩邊都有道理，好難落決定，不過錢真係炆炆緊，好大風險，居屋又抽唔到，公屋又申請唔到，2頭唔到岸真心灰
- 俾哂首期就無咩儲蓄，有咩事上嚟，反而要賣樓
- 如果兩位人工afford到租樓之餘仍然儲到錢，無太大必要買樓
- 香港樓唔值得買
1個讚
1/ 工作穩定
2/ 有小朋友讀緊K3/ 初小
3/ 呢兩三年唔會移民或者無移民計劃
可以的話小朋友讀小學要定落黎，業主可以喺生約期比一個月通知要你搬，撞啱小朋友考試真係會發癲。
成日覺得錢係咁貶值，但自己又唔識投資
有需要+付擔得到，我就覺得唔洗諗咁多，應該買。
但你形容既依個情況，究竟算唔算付擔得到？
「供得辛苦」- 你係咪已經確定左收入過得到壓力測試？
「比首期都差唔多無晒儲蓄 」- 所謂首期係咪已經考慮埋買樓既其他開支，包括經紀費、律師費、裝修費、搬屋費、同最大舊既厘印費？
其實我覺得用晒儲蓄做依件事唔係問題，最大既問題係你話供得辛苦，咁係咪即係買完好難儲到錢？我覺得點都要有d儲存旁身，尤其你一家四口。
4個讚
繼續抽住先,緣份既野好難講
如果無錢剩萬一失業點算，而家香港好難講，可以再買平d?