朋友的兒子今年升讀year 4，遇到令人叫救命的變態亞sir，聽完他的惡行，我覺得津校的老師好nice
，大家點看?
惡行如下:
-
上zoom, 朋友自己及其他家人都透過ipad外放聲音，清楚聽到呢個亞sir每日罵不同的男仔，無錯，是男仔或尤其是活躍d的，去洗手間都要被罵，仲要連珠爆發咁罵，直至家長出口解釋，他才消停。
反之，女仔不記得左上緊乜堂（遊雲）、週身郁或離座同家人講野，都完全無事，仲不時親暱地叫她們“little kitty", “little sally”，朋友說聽到毛管直豎
-
他教書又點呢？他教英文，科學及數學，咁他的講解又新穎，很多家長事後要在group討論才“勉強”明白少少，不是理解他要求學生做乜？尤其是Maths, 他要求做的steps, 不是我們家長能夠理解，複雜化，不知以他好似好勁咁
。點解學生不在堂上問清楚，正因為他太惡，朋友在家聽過不知幾多次，他破口大罵學生無聽書Balabala,搞到無人敢胆問囉，後果是做錯又當住全班被大罵，連珠爆發，慘不忍“聽”，唉！朋友說好似在懲教署咁
-
每日都罰自學生無小息，明明可以回家改正，就要學生無得放唯一及二次的小息，留在課室做功課，大部分約7成都要留下，只有少部分的女學生可以幸免。朋友的兒子做功課很足，只留下幾次，他說不好受，連teaching assistant都會言語“問候”
-
呢個亞sir 身教學生罵人及批判別人，他的學生放假或私下好喜歡模仿他咁，罵“disrespectful", “dishonest”…朋友聽到都真是不知點講咁無奈。
-
朋友只希望兒子捱完，就離開學校囉，最怕year 5，因為有year 6家長咁講過，朋友勁驚，就同校長反映過，咁校長明顯是站在老師那邊的，就同朋友耍太極，不了了之。
-
唯一改善是，只留課室時大罵學生，zoom就聽少左，不給家長聽到，他又改為專門針對新來的男同學
，日日最少罵3次，要他們喊為止才停口。其實，仍然在課室內就不斷罵學生，尤其是不識做功課要他教的，他講「oh come on, xxx, you should use your brain to think before asking me」，「xxx, please use your brain」，「oh, xxx, you finally use your brain」，「yes, yes, yes （好興奮咁，即是說你終於明啦，成班同學是一齊恥笑嗰位）xxx, you finally get it」，「 xxx, you are mentally present today, I am happy for you」
-
朋友的仔講的，她知道走了幾個的學生家長，藉口是移民，實際是轉校及想個仔女休息下，他們日日放學回家都喊，尤其是做功課時，或zoom後被留堂，由12點至2點，他們覺得很辛苦，飯都無得食，唉！
-
每日功課勁多，老師講解看心情，good mood就教得好d, bad mood就講解2句，叫你自己諗下點做，學生最慘是日日被罵及罰。朋友個仔放學後試過，因為send email問project 功課，被打電話大罵，他就喊住找媽咪，朋友就用email解釋，結果，來回幾個email，才不再糾纏，真是好執著的人格
-
只是呢位及另一位都是男性及個子小的老師特別喜歡對學生大罵，我試過幫手接放學，聽到個子很小的男老師態度好差咁趕，在班場上的學生走囉，嘩，真是大開眼界！有位學生婆婆忍不住講「駛不駛咁惡吖？」我心諗，好彩只是我們家長們聽到
-
聽朋友說，他試過大罵一位學生，因他在午飯期間用apple watch接家長的call左，事後，連珠爆發咁罵，食飽狂喊，後果是嘔吐不止，等於無食過咁，陰公，不知學校有無通知家長呢？我估不會通知啦！
見左做心理治療的朋友，好彩，朋友仔無事很堅強，明顯是自小被欺負，他的心理不正常，對活躍的男仔，已去到壓惡的行為表現，明明男學生已好怕他，不敢出聲，他都會挑出毛病來罵男學生，勁！
最後，我同朋友講，呢間無直升中學的國際“蚊型”學校，每月hkd 10,740學費，waste your money，只是得個球場，真是貼錢買難受，圖書館細到呢！不如去津校啦！不過，朋友覺得外藉老師就好nice，他們教year 1~3，無乜功課的，只是玩，老師在課室教小朋友做晒，放學好開心，點知升上year 4是地獄，omg
1個讚
校長不理，因為成間學校都是咁的小圈子，她仲屈朋友個仔有精神問題，要看心理醫生。朋友好嬲，她才帶亞仔見心理治療，拿証據，講明是老師問題，不是小朋友，真是
嗰校長自己都有小朋友，居然咁樣，仲對住人好nice咁。朋友已申請新學校，她說現在大把位，好彩。
2個讚
咁既情況，家長有冇聯盟投訴？
Zoom有冇拍低鬧人情況？
校長唔理，就唯有搞大佢？
情緒發洩好恐怖！咁樣叫啲女仔名都好嘔心！心理唔平衡！
1個讚
呢個價錢大把學校揀啦。就咁睇呢間學校只可讀小一至三，但苦了小朋友被迫同fd分開。
1個讚
就是囉，朋友的仔覺得，由幼稚園識到現在，他很不捨得朋友仔吖，我都有哄他，大個仔可以認識多d朋友仔，返學不用怕老師，開心d，不是仲好咩？
弊在大部分家長是「各家自掃門前雪」，尤其是女同學都無問題，家長覺得不是罵她的仔女就得…好自私
NIS只收好靜聽話不出聲的小朋友，另一朋友的仔在interview時，因為坐不定週圍望，即時被請走了，其實，他已很乖了，我們覺得這樣做，真的很傷小朋友的自尊心。最後，他入了kelly仔仔嗰間，現在不知幾開心，因禍得福
無知一問，呢間學校咁小眾同Norway 既教育有無關係？
我去過學校接朋友的仔，沿樓梯上課室，都見到有Norway的國旗及活動咁樣，無詳細看。我親眼見及聽到asian老師咁，決定不給小朋友入讀小學囉，費事我到時日日投訴老師啦
咦 NIS 幼稚園個副校住我附近
有次帶住大女同老公等餐廳入座
我地小朋友一齊玩傾開先知
覺得佢好nice,幾好傾
問起收生有咩要求佢話多數會screen out pushy既家長，言談間睇佢同小朋友對答都覺得係言行一致
佢個大仔都係NIS讀到中三返澳洲升學
睇到依個post好shocked wor
反映完個小學校長唔理真係唔ok
國際學校好似好少會咁 話晒d 細路同父母都係「米飯班主」
2個讚
明白，朋友仔仔上NIS小學1至3年級都好開心，我有提及的，這是事實。花這麽多錢只是想小朋友快樂學習及成長，只是，我自己親身都感受到，那些高年級（4以上）的老師是asian，比較惡，這也是事實。
如果不開心都不會給咁多年學費啦，不平的講真。我就覺得肉疼，所以，老師的教學水平很重要，現在咁多人移民，大把學位，一定要揀好的學校。
話說另一個朋友之前勁buy NIS，忽然毫無徵兆下轉去RC讀，是中途走，好似小3，到現在都不肯講點解，她之前很落力，仲年年幫手搞NIS學校大型活動，仲週圍幫NIS宣傳。
你都對你朋友既小朋友既好多事都好清楚。清楚程度甚至乎似係作文多少少。仲要改咗兩次。
如果事實係你引述咁，紙係唔會蓋得住火，家長一早成群去投訴啦。我自己就係果間小學既其中一位家長，係另外一個年級都有聽聞過你所講果位男學生同埋佢媽咪既事跡。其實你"朋友"個仔咪就係你自己個仔囉。呢位小朋友邊度係幼稚園升上黎，係今年新入學既男仔。你邊一句係真既呢?
你所講既老師佢係有要求，不過佢係對小朋友真係好好，佢亦都唔會大聲話學生，至少我未聽過佢大聲過，我亦都無聽過仔仔有提起過。我既仔就比佢教咗兩年，返屋企都係講佢點樣好笑同埋好聰明，好鍾意聽佢教書。而校長都係非常非常之好既教育者。呢位家長，如果有理據同埋證據既，一定會有好多家長撐你，不過睇完你篇作文，要記得自己管理好自己修養先可以教好小朋友架！
1個讚
我講的每句是事實，對得住天地良心，出街不怕打雷！
朋友不出post，因為仔仔仲讀緊，你是4年級家長？點解咁勞氣？還有，你是新會員，點解你咁幫學校？
呢個平台是給其他家長知道真相，不應該人身攻擊我，香港還有言論自由嗎？我講的幾位在讀小朋友的經歷。
我修改2次，因為本人文筆不好，又打錯字，不是犯法吖？今日就改了1次，得不得呢？要你批准嗎？
1個讚
其實你既謊言已經站立不穩，我作為家長我係覺得要守護自己孩子既學校，所以先想發聲。
反而你作為一個“朋友”，鍥而不捨去不斷詆毀，你既所為其實已經超出常理。而你twitter送出既機構介入只係你“自己”發去學校既電郵截圖。有什麼證據可言？事實勝於雄辯。呢位太太，花費多啲時間係自己既兒女身上其實更加好。
最後一句：如果真係教育局介入，你就已經可以安心佢地會公平調查處理。佢地必定會還你“朋友”一個公道。不過既然你要係網上散播咁樣既文章。教育局既結果可想而知。不妨自己冷靜一下，好好三思而後行。
良藥苦口利於病，忠言逆耳利於行。
1個讚
我都係NIS 家長，因為想覆你所以特登開個account。
其實我真係有d懷疑你/你朋友個仔係唔係真係係NIS讀？同係咪真係由year 1升上嚟？
首先NIS upper primary都有外藉老師，連我小朋友只係讀lower primary都知，如果你朋友個仔真係讀year 4，無理由唔知？
另外就係你原文中的pt2，我小朋友讀year 1時，我同其他家長都會覺得d數好複雜，因為我自己係local school 讀，未接觸過外國數學syllabus，所以會上網search下學校採用嘅澳洲數學syllabus，原來目標都係想學生理解concepts而唔係教小朋友死做，就算係其他國際學校用唔同嘅syllabus 都一樣。之後哋呢班真係由year 1升上去嘅家長就唔會覺得老師要求做maths steps複雜化。
原文pt3，我哋小朋友如果上堂唔能夠完成，老師都係會要求佢哋recess 留係課室做或者第二日早d返學校老師同佢哋做。只有home learning會拎返屋企做。
原文pt7，你朋友口中假移民𠴱d真係NIS嘅？其他year 4家長都話走咗𠴱d真係走咗，所以唔清楚你朋友指嘅係咩人。
原文pt8，由year 3開始已經好多功課同好深，同year 4差唔多，點解你朋友個小朋友係year 4先開始嘅？
原文pt9，依家放學唔可以好似以前咁留係學校玩，一來教署有規定，二來要清潔消毒學校，老師無開咪就梗係要大聲講d人先聽到，我都試過睇住老師趕人走，人哋係大聲，唔係悪。一路係到讀嘅都同𠴱位老師好熟，知佢係對d學生好好。
Pt10，其實佢哋可以係學校食飯都係呢個半月嘅事，你又話你朋友個仔仲讀緊，但封信又話4月已經無讀，其實邊樣先係真？
最後，如果你朋友覺得老師zoom時咁有問題，請問有冇拍片？就算唔放上嚟都記住要比埋教育局同埋 HKSPC。
Mr Yiu係NIS教咗最小4年，如果真係咁，無理由越嚟越多人原校讀到year 6㗎
只in過，無讀過呢間學校。就咁講睇大家討論，我都傾向相信老師係有d問題，雖然未必好似樓主講到咁大。
大家有小朋友都明，如果唔係好嚴重，係唔會投訴自己小朋友既學校，因為會影響自己小朋友，多數都係忍，忍到自己小朋友畢業算。就算要po，都要借朋友account。
我小朋友以前遇過一個唔好既經歷，簡單講一兩句，就已經有人質疑我。我小朋友畢左業咁多年，我都唔敢再提返件事。
因為不但是學校職員，還有現任或校友既家長，為左自己小朋友既前途，都有傾向幫學校說話。所以願意站出來真係好難得。
見其他家長既反駁，主要講自己睇唔到，講樓主無證據。唉！證據真係咁易攞咩？有就唔洗係度講，直接向教育局投訴左啦。唔通俾錢私家偵探查佢咩。
5個讚
，好彩入唔到