大家泵奶有冇咩技巧架呢？
好羨慕有d媽媽可以十幾分鐘就打爆樽
我本身係全埋身，而家需要轉全泵，
但係我好唔受泵，泵出黎每次都唔多，
2邊加埋都唔夠一餐，
而且泵唔清唔清，
我check過喇叭係啱size既，message mode同pumping mode間住10分鐘轉一次，pump30分鐘。
用緊freestyle flex, 另外有the one泵得仲唔清
我經驗開頭啱啱用泵會唔係好受泵 泵多幾日就好啲
另外我試過3款唔同泵自己舒服最緊要
Spectra Dual Compact>Cimilre F1>Youha The One
Youha最細力都爆大力朋友俾試咗一次即棄
我用泵可以泵鬆哂 但一定仲會有少少吸唔到出嚟 我一般由佢算懶得擠
BB嘴係吸得最乾淨
你會唔會試左右咁泵？
我覺得每一次新泵就會有reflex咁個量會多好多。
我用spectra.但只用單泵。不過我冇完全全埋。因知要返工所以都間中就泵下。
有冇試過Power Pumping？呢個做法對我有效，又簡單啲～
Power Pumping做法係連續一星期，每日固定一個小時去泵奶。 而泵奶嘅程序為先泵20分鐘，再休息10分鐘，再泵10分鐘，再休息10分鐘，再泵最後10分鐘，一共60分鐘。 如果用power pumping嘅媽媽一定要持之以恆咁做足一個星期，只用一兩日係唔會見到明顯效果架。
2個讚
一開始用massage mode，feel到奶陣到就轉pumping mode，會係咁噴奶（通常一開頭都起碼有3分鐘，最長試過7分鐘），當佢無乜噴奶時就轉返massage mode，再feel到奶陣又轉返pumping mode （通常都無第一次咁耐），總之不斷跟身體反應黎決定用咩mode （所以每次泵奶都會唔同），唔係fix左時間，否則無奶陣用pumping mode好傷，有奶陣時用massage mode又好嘥
另外想刺激奶陣可以泵奶時睇住bb啲相同埋片，喊要食奶果啲好work，同埋放鬆心情唔好睇住泵到幾多
啱啱生完有試過，等我呢排再試吓先
試過幾次，覺得無咩效就無再試
而家時間同體力都唔容許到次次泵一個鐘
3分鐘好多呀，7分鐘簡直想像唔到
我只有轉mode時會噴到10秒8秒
有時泵左30分鐘，就會熄機有手唧，間中會再唧到10-20ml，而家2隻手指公都開始痛
咁聽落message mode可能唔夠力刺激奶陣，照計奶陣唔會得10秒8秒咁少，另外手擠都應該唔會手指痛，可能姿勢唔啱
可能真係無咩奶
如果埋開身，一開始泵未必就受，俾啲時間身體同個泵夾下。
同時間一邊泵一邊按下、飲微暖水，可以睇下bb相、聽下bb喊聲、聞下有bb 味嘅手巾仔。做一啲你覺得放鬆到自己嘅野，唔好望住個樽、唔好睇住啲奶，壓力會抑制出奶。
最後，唔需要爆樽，只需要夠bb 食就可以，太多食唔哂都會浪費。加油
2個讚
無錯，我都從未爆過樽，產假完都係由全埋身變泵，唔夠bb食架，不過諗住有幾多比幾多，同埋夜晚＆放假可以埋身餵，返工泵只係維持住個供應鍊，happy mom happy baby
2個讚
兩胎都全泵全人奶，第二胎坐月個陣係全埋身，感覺上埋身轉泵係少d奶，可能因為供需平衡。
全泵最緊要set 好定時泵，咁就可以keep 到奶量。另外我算多奶所以都成日塞，會每日食卵磷脂同埋泵個陣用超聲波洗面機震鬆d硬塊。
2個讚
有奶陣既感覺係點嫁？就算我睇住噴緊奶身體都無特別感覺
想問下你用咩機嫁？機係咪影響好大嫁？
我由一開始就全泵，一直都係兩邊加埋得60-100ml, 完全唔夠bb食～
我嗰陣啱啱見到有人講嘅時候，發現屋企有一部阿媽淘寶買嘅洗面機，咁佢就話買返嚟都從來冇用過，我就攞咗黎用，應該百幾蚊。其實咩牌子都唔係重點，重點係佢有超聲波。
其實呢因為坐月嘅時候塞得太勁，咁我就不停搵資料，然後見到台灣媽媽介紹可以用超聲波洗面機或者超聲波電動牙刷。
個原理係用超聲波打鬆啲硬塊，其實而家如果塞得太勁搞到乳腺炎，政府醫院都有機會轉介去睇物理治療，咁佢哋就會用好專業嘅超聲波機打散佢
我指你用邊款泵奶機？
個胸好似比電電親咁嘅感覺，由我生完谷奶，九成奶陣都會有呢個感覺，其實我都唔知係咪個個人都會咁，聽產前講座從來無提過，到我生完谷奶有呢個感覺時，問姑娘，佢地又話正常
我係耐無泵谷奶果時有呢個感覺，少少刺痛脾脾地，但係泵緊果時未有過
我用imani2 handfree奶泵，返工可以直接喺office泵