仔仔啱啱1歲大，收到荃灣仁濟打俾我話8月有位
真係足足一年，我個仔一出世已經入紙申請。個時姑娘同成講通常至少等半年，所以當時請咗工人姐姐
宜家工人姐姐做咗差唔多一年，講真，得60分，而且因為佢高血壓，每2個月有半日要去body check (interview 個時冇講），真係好扭計。
宜家心大心細，如果仔仔去育嬰院就沒有工人姐姐的事，可以88。但又唔知呢個係咪對仔仔最好嘅決定～只係得1歲，除咗playgroup 冇點去陌生地方～有冇人都用過育嬰院啊？
1個讚
試左幾個月先…
我小朋友住了兩個月就退園，要睇夾唔夾到。
係咪因為成日病？
我小朋友返咗10個月，我和長老都覺得好。小朋友在育嬰園有好多活動。（是另一個辦學團體既育嬰園。）
1個讚
你小朋友幾大開始去育嬰院？謝謝解答
4個半月大開始
1個讚
我女都係4個月入園，so far大半年我覺得好好，係中間要強檢被強制停課幾日。育嬰園作息定時，又有群體活動，老師都係好有經驗比較放心，對於雙職父母係好好。
1個讚
係呀，有好多活動，例如用顏料畫畫，做手工，喺屋企唔會有呢啲。育嬰園每日又有唔同餐單，老師又會敎我哋點樣教導小朋友。
我都想排到，陀咗三個月已排，bb已經三個月，都冇消息
可以返育嬰園好好。我bb 4個幾月大就返育嬰園，老師好有愛心。依家bb作息好定時，完全係及時雨。果陣我地請唔工人，真係勁苦惱。
2個讚
我小朋友大約歲半排到，返到而家，育嬰園好好的，老師好專業，係可以放心的選擇
1個讚
我小朋友6個月左右排到，但返學後不斷病，成個人瘦哂，未夠半年終於quit左，唔返之後就冇事～老師是有愛心的，不過真係唔係個個小朋友適應到。
1個讚
經濟許可就keep住工人一排先，等小朋友返育嬰園適應了才考慮要唔要工人
因為依家工人隨時唔做，或者頭暈身熱，我覺得返育嬰院會隱陣過俾工人湊。
1個讚
我女13 個月才排到, 因為要7點前接, 去左育嬰園好好多, 去到n 時不用到時才分離, 早d 分離bb 接受能力高d, 喊左1-2 星期已經正常, 至於sick, 而家個個都用mask…在育嬰園上完好過比長老睇, 定時去toilet , 訓覺, 生活作息時間好好
1個讚
搭單一問
請問幾時可以開始排育嬰園?
每間唔同，有啲一有咗就可以報，有啲遲啲先可以報，你要打去問
1個讚
每間唔同 救世軍同保良局 一有醫生信就可以入紙 保護兒童會有咗好似5個月可以排 打去問吓啦
1個讚
好, 明白, 唔該晒。 
我想搵荃灣區, 岩岩打左去其中一間留左資料登記, 但佢話要BB出左世先開始排。
原來係咁? 等我搵下附近有無呢幾個機構既育嬰園先。
唔該晒你
我女都有長期病要睇醫院專科, 幾個月睇一次,都去得, 1歲都安心可以俾佢試下, 育嬰園出黎的bb 自理能力比較高, 同n 班都有d 似…
2個讚