BB出世送尿片，媽媽生完就送雞精，咁爸爸身份的誕生呢？
我想分享下，我和同事諗咗送Ｄ咩禮物俾新手爸爸。講呢D，係想俾個IDEA出來。如果你鐘意，又可以試下自己整個俾新手爸爸。
我地知道，有Ｄ男人係唔知道做爸爸係咩一回事（當然都有媽媽係唔知道爸爸對仔女有幾重要），而其他送禮的人，都未必掌握一個新手爸爸識D咩會好D。豬隊友呢個評價就好多，但係「脫豬」的門路和攻略太少。
所以小弟就認真諗下，除咗寫下文字鼓勵下D新手爸爸（好多人都唔鐘意睇字），仲有冇方法呢……？
機緣巧合，就開發了 「新手爸爸Survival Kit」（非賣品，NGO嘢，唔係商業宣傳）。個英文即係解，新手爸爸的「求生包」，希望Ｄ新手爸爸可以有命生存下去。
係每份禮物仔背後，都有一些鼓勵爸爸投入自己新手角色的訊息。
然後我地趁住今星期父親節，就送了一些給呢兩星期老婆預產期的爸爸。有D係老婆拎送俾老公，有D係爸爸自己來拎，有D係生咗太忙，由BEST FRIEND來拎(感謝這些新手家庭應承俾我們用這些相片鼓勵更多新手爸爸)。
