岩岩5個嘅時候開始比米糊bb食
依家5個半月都係比5ml含鐵米糊+40ml水+15ml蔬菜蓉
唔知道米糊量點增加？加到10ml+40ml水？我驚比太多又話bb過量鐵？
如果佢地太多鐵會唔會睇得出？
加固之後係唔係開始比水佢地飲？
有無群組可以討論加固？
岩岩開始加固食到咁多？ 我一開始係俾兩三匙阿b試先，再慢慢加上去。
係呀 食晒
你點慢慢加？
我女六個月一開始加固係好麻煩嘅，因為佢唔太識吞同唔中意食。每朝俾兩三匙米糊佢試，食到佢識吞哂，我先再加兩三匙。蔬菜蓉係分開俾佢試，加落米糊到佢唔肯食，都係一開始食兩三匙。應該係去到七個月左右就食得好左好多，我就試粥仔了。
飲水方面，加固左要飲多dd水，因為d便便會硬左
加固順利好叻叻呀。 如果佢吞嚥得好， 可以慢慢整杰少少（米糊粉份量慢慢加， 水量不變)， 佢一停口或冇心機食就停餵，整多少少預咗佢食唔晒。 個盒份量應該有寫每日最多可食幾多克，啲便便太硬都係過多鐡嘅特徵，如果你怕太多鐡質可以買多盒純米糊２溝。 不過通常呢啲額外加鐡／ 鈣都唔會加好多， 因為都預咗 ＢＢ 會食奶（奶粉本身已經齊晒營養）。而家食米糊呢個階段主要係俾BＢ學習吞嚥，１歲前營養主要都係來自奶， 等佢有２餐固體代替奶先再計算營養。
多謝你呀 解釋得好詳細
鐵高d便便會變綠色，不過其實問題不大，佢屙返出嚟咁解