我都呆左, 買完樓又撻訂? 買完先覺得唔鍾意/冇得炒?
越睇越唔明, 究竟係樓主定樓主老公烏下烏下, 定兩個都一擔擔…
不過可能有錢人唔介意撻個少少錢, 係我地太大驚小怪…
2個讚
睇來你對工人太多幻想，未試過會覺得好理想，試完真心覺得唔請好過請，唔好期望工人一到埗識煮飯，要慢慢教，不停提提提，先可能炒到碟清菜俾你，因為佢地好多本身係屋企都係小姐唔使做家務，4大冇錯係會縱，但at least一定錫bb同放心可靠，教仔係靠自己，唔好假手於人，所以我絕對覺得working mum係辛苦過ftm幾十萬倍，返工已經大壓力，放左工仲有另一份更辛苦的工要返
下,你老公返港島,想搬入屯門???
仲有幾個星期要生，而家請工人講緊6個月先到，根本解決唔到bb出世後的即時困境，咪叫個老婆去阿媽度住，起碼解決左燃眉之急先，成個思路好正常，當然想快Ｄ請工人你可以好衰格咁撬人地個工人或者俾好高人工請完約工人湊nb嘅，有錢基本上所有野都唔係問題
其實我對食要求唔多，只係返工咁累放工仲要煮飯，如果要湊埋小朋友一定攪唔掂。
我請既係本地，唔係新手，請工人講運氣，其實唔止請工人，請下屬even 生仔都講運氣。仲要人夾人。
我身邊好多人都有個好工人，可能係你唔好彩。
如果要好似你咁negative 諗法請工人，不如唔好請。
我冇fantasy 過工人會Perfect，應該冇人夠膽講自己係perfect，佢既工作係睇住個b 同煮晚飯，而我公司又flexible working hour，直頭比我一星期2-3日 wfh ，我唔明請個工人姐，點解有咁多野需要擔心，冇工人我就真係擔心連份工都會冇啦。
我諗你對4大長老太有fantasy ，錫BB 唔代表對BB好，太多實例，婆媳糾紛有眼你睇，寵壞小朋友第時教唔返好，後悔都嚟唔切。我細佬，寵壞到不得了，最後中三輟學，吸毒，坐監，就係比我老豆老母錫出黎，如果係你，你敢唔敢放低小朋友比佢地？
4個讚
鐘意你呢句 
1個讚
自己生仔梗係自己諗辦法湊啦，點解要搞啲退咗休嘅老人家，正所謂冇能力就唔好生。
工人可以炒左就bye bye，四大長老冇得炒，你想佢哋跟你嗰套，人哋話佢食鹽多過你食米。
比四大長老湊，如非必要，真係唔好。咁對大家都好。
拿，男人湊仔那西就偏見，我自己都湊女，未學過？大家都有第一次做父母既時候，一開始我同老婆一樣係學，我一樣屎尿嘔奶都中哂，有咩問題？而家咪幾好
問題在你老公無從你角度諗者，佢只係一心諗住有自己父母幫手睇所以叫你入屯門，但你無論係返工定去醫院梗係住九龍好
樓上有人話自己揸車，唔好啦，我老婆大肚，佢識揸車我都驚啦
利申：老婆娘家天水圍，工作地點沙田，威爾斯生，我地而家住大圍，唔要四長老幫忙，生之前一早搵陪月，煩少好多野
1個讚
我d仔女就係俾4大湊，令我好放心返工，反而個工人請返來乜都唔識，教又唔聽，仲要執佢手尾慘過自己落手做，請工人好講彩數，請到好仲難過中六合彩，或者降低個要求，求其有人湊就接受到可能冇問題，你想收工有飯食家務唔使操心，真係要前世積左10世褔先有個咁掂嘅工人，不過當然大前提係你同4大關係要好好同佢地handle，開口埋口老母個Ｄ當然只能靠工人，我都同自己講有Ｄ野隻眼開隻眼閉，唔可能要求完全跟自己個套，同埋我開頭都唔識，都係虛心請教4大
好明顯佢連陪月都冇揾，佢老公先急到瀨要佢去阿媽度住
每個人都background 唔同，你既唔好經驗係工人度，我就屋企有活生生例子。
樓主background 係搵到錢，想請工人，自己出錢請，唔想比老爺奶奶湊，（就算請到個唔好既工人都係自己揀）但如果夾硬要日日同老爺奶奶住，分分鐘產後抑鬱。
我絕對覺得樓主有大份份既話事權，因為生仔攞命博，老公要諗兩全其美方法囉
所以我話佢老公係有問題，唔響老婆角度諗野，兩公婆係應該有商有量，大家都會為下對方諗架嘛
如果有心而家搵陪月都得，但太趕啦，一來好多無期，二來質素未必好，要花多好多時間
唔係叫佢唔請，係乜都未有準備的情況下去屯門住住先，往後再慢慢傾，如果呢一刻仲企硬係租樓係九龍同請工人度，突然穿水bb要出世咁點搞，租樓都唔即時揾到啦，睇留言樓主應該係好有要求好有主見，更加要時間揾岩心水，如果要買就更耐添，而且佢仲要有產前抑鬱，一係有錢去個Ｄ酒店月子中心住住先，埋單20萬左右，起碼解決左眼前個問題
1個讚
我都唔明樓主夫婦好似冇咩計劃咁，學你話齋依家真係得2個options。
最好既應該係去月子中心坐月，有專人服侍，環境又好，樓主搵到錢，都係住1-2個月。
樓主，你仲有幾星期就生，唔好唔開心，諗多啲正面既野，生仔咁辛苦，你真係要坐返個靚月。
船到橋頭自然直！
仲有幾個星期生，u sure揾到！？
住左入去就好難搬出去九龍
樓主老公唔想搬
我都好怕唔做野嘅感覺，試過有兩日陪個fd過闊太生活，乜都唔做，去飲酒、食tea、social，然後我覺得我浪費左兩日嘅人生⋯
我都好慶幸我返嘅工係做得開心，仲要係自己想做嘅工作
老細又好，同事又好
同埋做野有滿足感
買樓花個陣未有b
個度錢唔算多，好快儲得返
加上後來老公都覺得層樓唔太升得起就唔要
其實我自己一個夠晒過壓測
正職收入其實可觀
其他副業係人地搵我教書，有得搵多啲就搵多啲，教一次唔係耐，但人工唔錯
唔係睇唔起屯門
係我做野要周不時工餘仲要去唔同地方做野，唔想浪費時間喺車上面
唔係急
一早冇打算陪月
但要搵嘅話我都識人係，所以唔難搵
曾經搬左部分野入屯門，不過搬左幾日頂唔順周車勞頓，體力同精神搞唔掂，攰到係咁喊，我老公都知
我媽叫我返佢度坐月就搬返我媽度
同埋方便我喺九龍生b
但我同媽咁多年都係想見好同住難，佢成日郁啲就好似細路咁發脾氣
我呢兩日好firm話唔洗佢湊，自己請工人姐姐，自己租屋
我媽又突然就叫我等阿b大啲先搵地方搬
我最主要俾我媽搞到啲計畫亂晒