仔仔黎緊9月會讀PN, 有兩個offer, 兩間學校都中意但呢一刻傾向A. 想請問如果PN 揀左A, 放棄B, 但到K1 (或K2) 時想再考返B, 校長老師會唔會因為我今次放棄而唔高興, 之後再入B 嘅機會會好細, 甚至無?
咁當然會有bad feeling la, 站起行政工作角度上都唔想重新招生。如果重係熱門校,之後插班重難講。
如果你真係決定唔讀，好頭好尾，收左咪早啲出聲，寫封信解釋點解放棄offer, 留條後路
1個讚
好難一概而論，要睇b 學校係咪：
- 區內熱門
- n 直升k1，剩底比外人既k位好少
- b校長小唔小氣
通常學校唔會理背後咩原因，但你曾經decline 過一次即係佢間學校唔係你最想入個間，所以可以再入既機會唔大。站在學校既立場，都唔想accept 1d跳草裙舞既家長，費時煩。
講到底都係睇間學校串唔串得起。In general 我見有人成功都有人失敗過。
建議係，如果到頭來都會入b, 不如n 班開始讀b, 又唔使擔心之後入唔返既問題。
1個讚
如果K1想入b就緊係讀b啦，轉黎轉去為乜？
除非其實你未必想k讀b，而讀a會令你小朋友競爭力提高、到時揀咩都得既話 - 就讀a!
1個讚
@Ummm @Lightwriter @Luckystar 多謝你地3位嘅意見
我絕對同意將心比己, 如果我係B 校長, 都應該會感覺唔係咁好. 我自己仲要係本來後備, 然後寫求位信入到B 學校添. 如果真係要咁做, 真係會超級唔好意思…
我其實最大嘅關注, 係B 校舍空間細嘅事實. 以前無武肺嘅時候, 校長會充分利用校舍以外, 社區裏面嘅空間, 提供比小朋友真實嘅教育 (我好欣賞呢點). 但而家嘅情況, 我諗佢地無左呢個優勢 (可惜)
B 學校喺區內算薄有名氣, 有小學 (我估讀得完幼稚園直上嘅機會都大, 我無話特別好心儀個小學, 不過叫有後路)
我唔確定到K1 一定會轉返B, 不過可能習慣上諗多幾步, 考慮多幾個處境, 有兩手準備. 如果我小朋友讀得好, 繼續讀A 都可以
A 係普通學校, 不過我啱啱星期六家長會有機會接觸校長同主任, 覺得大家教育理念好好好相近, 而且佢地嘅熱誠同心機令我印象好深刻
我其實好想可以同B 校長面談, 了解下佢嘅睇法同計劃… 不過我唔sure 人地會唔會理我 / 覺得咁樣好煩?
咁b唔憂收生，所以要k再入返都唔易，加上今次n入到屬marginal, 所以如果你今次give up b就無得返轉頭。
既然b好似失去左個賣點，打去向校長了解下佢地有咩strategies 都係好事。預左係電話傾唔係f2f(呢期忙結業禮未必有時間)，而且準備好你既問題客氣了解下，再決定去留都係岩既。
好make sense! 我試下啦, 唔該曬!
如果一間學校有pn，一定係先收由pn升上去學生，街外人機會會相對細。
另外如果B有小學backup會煩少好多，起碼唔擔心派得太差，小一填表格可以大膽啲 。
我偏向揀b，你可以打去學校問下疫情下安排再作決定。我個女間學校校舍都好細，但佢哋安排輪流食茶點，每一段時間只得一組小朋友隔開食茶點，另一啲小朋友就玩玩具，確保除口罩時間減低。N班小朋友就派茶點回家食，喺學校唔除口罩，勤洗手。
多謝你意見同分享! 我而家都打算準備好問題, 聽日或後日試下打去問