小天使胎心突然停了，先生都好傷心同路人取暖一下🥲
醫生話可能自然會流出，但想問一般等唔等到，同要幾耐？打算唔得就私家藥流
小月又應該點護理保身？太突然心入面好多問號，一時間都唔知點做，請教 謝謝
1個讚
咁你依家有冇流血？之後要坐小月，注意保暖，真係唔識煲咩湯水，就睇吓中醫調理下…take care
Bb 會再返嚟搵你的！
1個讚
我之前係人手吸宮，無好認真坐月呀
都係叫咗炒米茶食清少少，不過幾乎無出街
今個星期無流啡又無血，以為無事原來小天使靜靜地離開了我一路有睇開中醫呀 諗住流咗再去睇吓
1個讚
其實我都唔知咩方法好啲 藥流唔知會否無咁傷⋯去政府又怕一個人住院
我都睇緊唔知坐小月係咪要同月子一樣 要薑水個啲 會買定炒米茶 謝謝
我唔想拖唔想受藥流果個過程，所以我揀咗私家做。我做完抖咗一日都無乜事所以只係飲炒米茶，但都拎咗2星期SL抖下
明白，謝謝你啊，我都諗揾私家，但唔知咩方法最好。
之前另一gp見過你，祝你生產順利啊！
1個讚
我試過自然流亦都試過藥流，自然流果次係突然流好多血，要即刻入急症。私家藥流就要等藥力發作，過程都辛苦嘅，因為會有副作用。
我覺得睇你想唔想驗胎，如要驗就搵私家啦
我兩次都係睇急症，藥流吸宮都試過，醫生照完會決定用乜嘢方法係最好
藥流就塞藥之後返屋企等排出，感覺同m痛差唔多，不過人人反應唔同，有機會排唔清最後要吸宮
謝謝。自然流隔多久左右？如果私家藥流要不要住院？
明的，謝謝你。私家醫生講解咗唔同方法，可能當時我無乜反應，佢就無建議 
明白你感受 我個時都係咁，個腦太混亂，好難有反應。
我見完私家 再同朋友傾，冷靜左半日整理一下要做乜之後去政府醫院，政府個邊俾左吸宮，出院後屋企休息左兩日身體好虛咁去左睇中醫（但個時我完全唔知要坐小月）。
一定也很難過。謝謝你 我放完假都諗住再見多次私家醫生！希望快啲完成傷心事
自然流果之其實都隔咗兩三個星期呀。
私家果次有安排住院，因為朝早入院，都等咗成日先排到，然後第二朝醫生再幫我檢查之後先出院。不過如果有d 人快嘅可能可以即日出院。
我知道有d 私家醫生都可能會開藥比你，返屋企等佢排出，唔洗入院嘅，你再問一問啦。
最緊要照顧好身體同心情，加油！
當時我直接私家手術，無痛楚咁搞掂左，幾認真咁跟中醫坐月，然後好快小寶寶回來。
政府係平，但我驚痛，所以揀私家手術，當時私家有建議我政府或私家藥流的，但我怕痛苦所以做左手術。
坐月都係跟平時坐月啲規矩，抖左2星期返工，我都好認真做足保暖。
感謝感謝會下星期再問問私家醫生
如果你想最好盡快睇中醫調理下，休息下
我都應該揀私家 不過會問下醫生點樣做好啲 痛我無咁怕⋯反而怕身體傷
感謝你！我諗我都會認真坐兩星期小月
其實現在科技發達，可以做手術無痛苦，好快復原ready 返，唔會好傷身的，最緊要你舒服，因為心理創傷已好傷心，何必要身體再痛苦。。