亞仔係Native英文（mix），如果將來想target陳守仁，讀地區既學卷幼稚園有無機會呢？定係一定要讀國際幼稚園機會大d？
其實黎緊9月先讀N，不過而家諗定好似差唔多。。。
謝謝。
一定有機會，唔理邊間幼稚園，搞好學術中英數大多數可以過關。
1個讚
即係佢地唔睇邊間幼稚園畢業？咁好？
正常一間小學揀人係唔會睇幼稚園咁膚淺，否則嘅話就唔會有「入 XXX 都考唔到 YYY」。
只不過係名幼嗰啲，啲家長好識得谷小朋友讀書，地區反而少啲，同小學一樣道理咋嘛，傳統名校多人谷讀書，但唔代表裏面個個都讀得書，地區少人谷讀書但你考得頭咪得囉。
呢個係一定一定嘅，除非小朋友有其他問題 (e.g. 行為、情緒問題)，只要你搞好中英數，一定有直私 offer。
5個讚
原來係咁！明白晒！謝謝你！
仔兩年前in過，要小朋友合作完成任務，用iPad答問題，（仔話問地鐵站，觀塘下個站係咩站）仔in完話好好玩，任務係包含學術嘢，中英數打好底應該有機
1個讚
朋友囝囝都係津幼，佢話interview全程都冇問過係邊間幼，成功入到。不過佢本身都係谷得勁
1個讚
陳守仁係一間好好既學校，我阿女考咁多間，真係feel到呢間學校係最唔睇學生背景出身嚟自邊度。
TSL既申請表好簡單，唔收任何portfolio，你想講下自己細路有幾叻都冇機會。咁佢哋點收生呢？係完全靠學生面試既表現。無論1st in 定 2nd in學校都好花時間準備，考得好全面。入到最後400強，學校仲有分享會同你講下小朋友強弱項同特點(可惜舊年冇左…)，你可以見到佢地好有心，唔係hea你。而由此亦都見到，呢間學校睇學生好全面，開朗樂觀當然有優勢，但內向安靜佢地都會搵到你優點，睇下適唔適合入讀。呢間學校年年報名人數破頂係真係有原因。
不過話說回來，入到既學生本身有一定英文水準 ，數學又要好，仲要可以群體合作。佢interview都係考呢幾個範疇。
3個讚
我小朋友細b，下年1月先讀n班
小學都係target陳守仁，希望到時可以同你小朋友做同學仔
我小朋友N班揀咗國際幼稚園，我哋係廣東話母語家庭，唔會特別同小朋友講英文，所以揀國際學校比佢向學校學
不過我唔會特別谷，首選直資係陳守仁
如果唔收，有另一間直資走後門應該會收，不過就遠啲
如果兩間直資都唔收，就比佢讀佢爸爸以前果間官立小學就算
我個舊同事，仔仔讀普通券幼（慈善機構旗下）當然英文係狂谷，都入咗
其實我同老公都鐘意呢間，都想target佢，但我哋下年走啦
2個讚
我識人係龍幼成功入到，佢就係自己加料谷得好 fit，佢媽媽完全清楚幼稚園考直私，性格呢啲當然有影響，但有學術就一定有學校收。
唔計自己龍幼間小學部，考 10 間，有 4 間收，當中 1 間龍，一間直屬。
希望香港多d呢類學校就好喇
1個讚
一定要英文好
1個讚
我好懷疑過兩年我仔會唔會記得d黨鐵站次序。。。
請問可唔可以再分享下仲in左d乜呀～？
其實成日聽人講谷，夠竟係谷到咩地步？
英文問題應該不大（如果佢到時肯講野既話），但請問數學呀中文果d應該“谷“到咩程度？即係k2要識p2既野咁呀？
哈哈！我都希望呀！
其實除左呢間之外真係唔知仲有咩其他類似既學校可以報。
要再研究下。
你就好啦，我諗我仔女應該要升中先可以返英國讀。
呢d資料其實可以係邊度搵到呢？
麻麻地記得，我同爸爸一齊去嘅，只可以一個家長陪上去禮堂，喺禮堂分咗group就大人細路上一間房等，然後小朋友跟哥哥姐姐去第二間房度，有個task係比小朋友擇骰，骰仔係一啲中文詞語嚟，仔淨係記得有菜芯呢個詞語
，同埋用ipad答問題，有數做，有問地鐵站，我記得等咗唔算耐，15分鐘度，其實同一日朝去in SFA，下晝先in TSL，in完佢已經好累，最終兩間都無收好彩而家大抽獎嗰間讀得好開心
反而想提下SFA, 仔in完講到明唔鐘意，因為要做卷，DBS都有in, 放低3個鐘再接返，仔話好玩嘅，當見識下
最後想講下谷還谷，要睇小朋友性格，我仔成績唔錯但不能谷，切忌谷得太盡，加油
2個讚
中文係睇一篇短文答問題，係廣東話問答。根據阿女果時講嘅內容，篇文我估大約六七十字以內，如果有睇開書嘅問題唔大。
數學我記得果題係兩兄妹點平均分糖果，題目就咁睇有d難，但有紙筆比小朋友計數，所以都係5歲能力做到嘅。
玩遊戲全程英文聽指示同人合作，如果半唐番講開英文應該冇問題。
平心而論，我女讀私幼，老實講我知除咗中文，佢本身英文同數學學術水平都係夠應付我target嘅直私面試。中文我有自己陪佢睇書睇到大，所以都有信心應付到。我相信津幼中文可能水平高d, 咁家長可以自己幫下英文同數學；如果私幼，就響中文花多啲時間囉。
3個讚
其實越嚟越多直私傾向唔睇portfolio, 或者限制頁數。個遊戲玩咗咁多年，直私都進化咗啦，坊間好多好流嘅比賽，佢哋都費事睇。
反而津小叩門好著重呢樣嘢, 我有朋友話等in時見到有家長攞住果份portfolio成本教科書咁厚