我幾個月前有post 過當時被失業. 休息左一段時間, 最近一個月努力搵工, 經過一輪面試, 有通知將會收到兩個offer. 雖然未知道正式package, 但我知道都要考慮定個情況… 兩個好唔同嘅公司, 好唔同嘅職位… 我想寫出黎睇下其他網友有咩唔同意見
公司A:
美資, 業務係運動產品, 感覺隊友上司都友善. 職位同自己7年前個位置相似但再senior 啲 (唔係啱啱對上嗰個), 公司規模都幾大 (全球大約2萬員工), 都有信心應付個位
公司B:
背後投資者中美歐, 業務FinTech, 年輕公司, 動作快, 轉變快, 傾過嘅interviewers 感覺都ok, direct report 個上司感覺會喺佢身上學到野. 但因為公司年輕, 制度未係好完善, 不過同時就會好多機會同挑戰. 職位可以話係自己事業上再上一層樓. 公司規模全球大約2000
兩個都有好有唔好, 糾結中…
你想唔想挑戰自己？
想嘅B會剌激好多。
感覺上b因為係fintech所以b仔會多d，同埋公司應該會free d。
最真實答案, 有時想有時唔想
我個人唔係超級aggressive, 不過都想叫對自己有啲交代
另外要考慮嘅就係, 如果今次接受A 嘅職位, 相信我會被定型, 應該無咩公司會考慮我做第二啲位 (相關經驗大約11年). 我只能期望自己更senior… but that’s it. 相反做完B, 萬一真係唔中意, 都應該會有多過一個出路 (我意思工作種類)
你意思bonus? 我聽日會知道package 內容…
Free 嘅話… A 都應該唔弱, 因為直屬上司based 美國
入一間年輕公司無咁大包袱，心境都會young d～機會亦多好多～
係挑戰但日後工種選擇闊好多～
我會傾向B
你本身結婚未？有冇小朋友
A公司穩定，對有家庭有小朋友可能會好D
B公司有挑戰性，冇負擔就可以去試一試
其次再考慮人工、假期、工作地點等。
有小朋友, 啱啱2歲…
感覺公司2好有活力又係fintech，應該可以擴闊到自己視野，公司1就穩打穩紮
就因為你有小朋友，b公司制度未完善，加上公司年輕，係宜方面可以商量。
b係有點冒險，但會係活潑嘅公司
a嘅係穩定，但只會係墨守成規嘅公司
我會傾向B.
A…你話你上司係美國, 咁可能係成日要有night call/meeting. 另外大公司好多制度野, 未必好flexible.
B…感覺學到野, young d, 可以擴闊自己CV. 而且年輕公司感覺flexible d.
去隔離taro post問一問d牌
小朋友2歲，你先生幫唔幫手？黎緊幼稚園開始，好多嘢要跟。
你先生幫到手，就可以試下去B玩；如果幫唔到，就去A穩陣D.
我自己有小朋友，多數會考慮嘅係工作時間同地點，另外OT同出trip (疫情關係應該好多公司唔駛出trip）都係考慮之一，因為想自己陪小朋友多D。其實2間公司各有各好，但入到去可能又另一回事，仲有人事之類嘅問題，就咁睇A公司你工作上好似會易上手，B公司新挑戰但長遠Fintech真係有錢途D，可以同老公商量下，如果佢可以幫輕你照顧小朋友的話再考慮B公司。
如果係我 我會揀B
但我自己係中2D有挑戰既野多D
我會揀B。
A 美資 Retail 公司，好現實，Retail 生意呢幾年都唔會好，競爭亦越來越大。你上司喺美國，你好難impress佢或者好難令佢當你自己人。如果cut cost，好大機會都會搵你開刀，甚至將你個位轉去更加平嘅其他Regional Office 。
B 你話你會喺上司度學到野，代表interview過程愉快，你上司比offer 都應該覺得你幫到手。如果你將來同佢合作得好，佢應該會幫你升職同埋比你帶 team。呢個會係你 Career growth 既一個好重要嘅踏腳石。
都係果句，我揀工嘅宗旨係揀老細，並唔係揀公司。你遇見到你同你老細嗰個關係會好，佢會信任你，提攜你，你就可以喺嗰度做，一定唔會錯。
我會揀b 感覺有挑戰性啲 個環境fresh啲
你提到a呢個職位會被定型 我覺得唔係一件好事
多謝所有嘅留言! 大家嘅意見都好有用, 同埋感覺到係為我著想… 感激!
唔逐一回覆, 但經過2日沉澱, 我自己都係傾向B.
A 真係一個穩陣嘅選擇, 但我諗我有必要喺呢個年紀再逼下自己學多啲新野 (三十尾), 唔好咁快就求安穩. (亦都係為仔仔做榜樣) 另外, 其實有利嘅地方係, 就算試過唔適合, 我損失唔算太大 - 最多再搵過工, 但將來嘅選擇可以多啲.
Fin tech 嘅前景吸引, 我覺得只會越發展越多同大, 咁如果而家有機會可以認識多啲, 可能都係人生一個機遇 (我係超級行外 / 門外人, 無諗過佢地consider 我, 仲要過埋final round)
老公係好幫手, 好hands on, 我地會互相support 大家, 所以我覺得可以比自己試下
最後… 而家就係等出offer 啦
加油！
佢係IT Product vendor selling to BFSI clients?
做 Role 都係做返 BPR / Digital Transformation 嗰邊？
Good luck!