請問有小朋友係深水埗區返中西區小學嗎?

教育講場 小學討論
1

因為9 月要幫小朋友報小學… 中西區多D 好學校同埋升中D學校好似都好D…
唔知多唔多學校有校巴會送小朋友, 所以想請教大家 :orange_heart:

2

你小朋友係仔定女? 中西區升中不利仔
官津校唔會有過海校車，你要考慮接送問題

3

多謝你reply, 小朋友係女仔, 之後仲有細佬跟尾, 所以諗緊邊區好~
原來官津校唔會有過海校車? 我仲諗住打去D 學校問下添~ :hushed:

4

你係舊生/ 加宗教分希望入中西區小學?

5

老公同我各先都係SSP/ 中西區有20 分 (舊生), 但唔係穩入, 所以以校網計,11網好似好D , 諗緊搏唔搏~

6

中西區自行只有20分，只能睇彩數。祝你小朋友好運。
校車方面可以向學校查詢，睇下會唔會有港島區接駁站。遲D可以返全日，恢復課後活動，好多學校都無課後活動校車，你都一齊問埋，等自己有個預算。

7

咁邊區對仔最好？油尖旺？

8

Thanks sooo much! :blush:

9

你可以上網爬下文，BD早一兩星都有人講過港島區升中問題

10

有細佬跟尾就唔好揀中西區，男仔升中仲差過深水埗！你諗下，中西區，男仔揀完英皇，之後你揀邊間？你都未必輕易答得出。深水埗有長天之外，你仲答到銘賢、黃棣珊。
如果唔好彩係 Band 2，派位你可能派去南區，返學仲遠！除非你跟返自己深水埗啦，不過深水埗啲 Band 2…
唔係咁多學校有過海校車架，你真係要打電話問清楚。有過海嘅，可能係藍田、油塘嗰邊，其他係保姆車要自己組隊。我記得 Peter 仔係有車去葵青，但好似超早上車。
升中最好係沙田、九龍城、東區。灣仔係好，但你入唔到嗰啲直屬/聯繫，著數就冇咁多了。

11

St Joseph 同高主教唔ok 嗎？（利申，唔熟行情所以想問下）

同埋想請教下，兩間st Paul 係直資，直資主要唔吸引既原因係學費貴定仲有其他原因？

12

St Jo 同主教都有小學部，已經食左好多位。

image
image1084×617 48.6 KB

呢度 3 間加埋 100 個位都冇，中西區咁多間男女校，肯定唔止 100 個男仔等派位。更何況高主教男女校，呢 6 個位唔一定有男仔入到。

兩間 St Paul 係直資，好吸引！但你要自己去考喎，冇得派位，唔係你考第一就穩入。
不過直資問題係流失率高啲，因為津校有得公積金同埋常額（即係踢唔走，可以做 old seafood）。你要預左讀直私，6 年可以完全唔同老師，畢業嗰陣可能換左 1/3 老師。

1個讚