自己亂搵怕有伏…
學校gp聽過人講史丹福幾好，我未上過. 反而想知邊度一對一好
我有個好蠢嘅方法，就係自己係屋企附近泳池游水觀察下啲導師
我以前自己游水嘅時候見到好多教練都係自己好大壓力(要同家長交代)就將啲壓力放落學生度，其實啲小朋友真係好細個，但佢哋唔係用鼓勵嘅方式去教而係恐嚇同懲罰嘅方式去教⋯⋯我就唔希望小朋友會遇到呢啲老師囉
4個讚
我媽當年類似係咁
但佢係搵左我學校個當值救生員
1個讚
我姪仔係觀塘學水， 見佢好開心應該呀sir 唔錯， 你有先興趣pm 我問電話囉
一啲都唔蠢呀 反而心態正確
佢地講到自己識飛都無用 親眼睇到最實際
我報小朋友報畫班之前 就會成個痴漢咁企向出面望入去
因為中過伏 個個畫同一個米奇 同一隻維尼 
完全無創意可言
1個讚
我2個仔現在「泳x游泳會」 學了差不多2年，感覺老師有心教，也穩定地同一班老師教，而之前停課，也沒有多收費用
我大仔之前試過其他私人泳班，一間太嚴，一間太鬆，所以有比效
當然「泳x」有幾個地方上堂，我不能一概而論，不過我聽朋友講其他地方的教導都是正常的
以我經驗，一對一是學得最快，但我只是希望小朋友有些運動，所以慢慢學也沒有所謂
我小朋友都係泳 x 游, ok
初頭想報史丹福,但好多人話唔好,無深究係有心抹黑定真係唔好
如果目的係識游水唔係游得標準游得快，可以試下自己教。我仔都係我教，玩玩下好快識。見過啲操水嘅，睇落8/9歲，100m係游得幾快，不過一停就唔識浮，踩水都唔識，如果要嚟救命應該唔多掂。我同仔講唔使佢游得快，可以喺水10分鐘唔浸親就夠，想游得好有興趣再去學。
1個讚
我仔細個去史丹福游親子班，教練幾好，係人太多。我果時見隔離果d教練鬧d小學生，好惡！之後我就轉左去 方力申 果到，教練好有愛心，游到而家。
我選擇泳會會睇佢教自定蛙先
而家好多泳會會教左自由式先
因為容易上手 學完又易學識背泳
呢啲方法適合想速成去游比賽嘅人
泳會容易比到成績家長睇
但係我個人偏向跟舊制學左蛙式先
因為蛙式同踏水動作好似
而且會習慣性抬頭遊同慢慢一下一下游
所以基本上可以自然學識踏水同漂浮
唔會話去到大池練習都未識浮
2個讚
你又岩喎，我之前搵教練學左兩季都學唔識自由式換氣，到學蛙式先真係比我感覺到游水樂趣，但個個教練都會教自由式先
學識蛙式游到攰都可以浮係水換氣，對初學者黎講冇咁大壓力。
1個讚