如果你哋小朋友係學校遇到同同學發生衝突，（語言上）你地用咩心態去面對呢？呢排小朋友（小三）同佢同學鬧交，大家都話大家唔岩，係班入面成日針對大家，好似開解完佢冇乜野，但放學返屋企又講今日係學校又點點點，我覺得已經影響上課，所以就同班主任求救，希望佢哋和好，我唔知做得岩吾岩？
江湖嘅事江湖了斷⋯⋯話俾龍頭大佬（班主任）知。
記住您係出糧畀佢
5個讚
要睇下果個班主任係點處理, 或者問下佢打算點處理，唔好就咁掉個波比老師就算
我記得我小學果時同某同學講電話，媽媽話比班主任知，話我成日講電話
個班主任嘅處理方法係當住全班面叫所有人以後唔可以同我講電話
我嬲到今時今日都仲記得！！
3個讚
我個女由一年級開始成日同人嗌交嗌到四年級. 而家就已經冇乜嘢.唔係每一個先生都識處理.
第一年嘅時候我哋都好苦惱。第二年嘅時候與整一個非常有經驗嘅先生，佢話唔需要太過擔心，小朋友尤其是女仔，非常正常。
好需要搵出個原因點解嗌交.對症下藥.日本有個好處就係佢哋有一個不成文規定, 如果大家當面道歉, 就唔可以再嬲對方. 當然呢個係小學雞做法. 但係大部份小學生就係咁純情,
下次如果再嗌交, 就係新嘅一頁.
3個讚
咁佢個方法完全唔理你感受，如果我係你丫媽真係比老師吹賑
咁樣佢有冇影響同學對你女女觀感？例：被同學排擠，老師又點樣教你小朋友吖？吾好意思問你甘多，因為我自己都係處理人際關係幾差又被動，我真係好驚小朋友都係咁，當然呢啲都係令佢成長嘅一部分，希望可以處理好啲，返學開心啲
我阿媽覺得呢個方法好好呀
兩個都無理過我感受架
1個讚
我覺得做得唔岩
小朋友既事，到左呢啲歲數，唔係「啊媽話和好就和好」
你夾硬迫佢，口和心不和！仲會怕左你，唔再同你講。
（以上都只係個人感覺）
我子女暫時未到呢個歲數！
不過都試過啊女返黎同我講「啊x話想要乜乜，佢叫我叫你買比佢。」「啊x話想要乜乜，唔比既話唔同你做朋友」（但我女好唔開心，因為x話唔做佢朋友）
我個刻其實好想問下x個媽咪點樣教女！其實我好火！不過我忍左，我同我女講「你聽日同x講：我媽咪話朋友係唔會隨便講唔做朋友架，你咁樣令我唔開心，我唔想再聽你講呢啲野。你想要既野你叫你媽咪買啦！」
唔知我女講左幾多/有冇講到…
不過之後冇再聽到「啊x話想要乜乜」
1個讚
冇呀。佢同第二啲同學玩，過咗一排之後又再同返嗰個嗌交嗰個玩。跟住又再loop. 小朋友冇乜隔夜仇，過一陣就冇嘢。
做父母盡量唔好插手太多, 小朋友唔同年齡會有唔同嘅成長過程, 等佢哋自己學習.
諗返你細個嘅時候我都有類似咁嘅情況, 大左就會慢慢識調節自己.
2個讚
上年，我仔都有講話同某同學不和，個男仔成日用言語針對佢。只要唔過底線，我唔會介入，除非：
- 同學用粗口/極侮辱字眼鬧我仔
- 有身體接觸
- 小朋友情緒已出現問題（放學時呻下唔算）
當然我都有開解佢，時不時會關心佢在學情況，唔介入係因為我覺得佢要學習面對呢d唔鍾意自己既人。
而今年，我仔忽然同我講佢跟果位同學做左朋友，仲成日zoom傾計。
2個讚
小三，我覺得除非係bullying或者真係好影響到小朋友嘅情緒，可以比佢自己試下解決，問下佢自己想點處理，有需要時比D建議佢。
不過話畀老師聽都好，等佢留意下，唔會有啲太過份嘅事情發生。
1個讚
我小朋友就係遇到對方用粗言穢語鬧，所以我先出手，呢樣我覺得佢哋唔識處理，冇理由叫佢唔理，下次佢又再係咁以為吾使尊重人！甘你個仔都好，起碼做友朋友吾使面左左
我同個仔講，如果對方用粗口鬧你，我一定會同班主任講，我接受唔到個仔咁細個比人用粗口侮辱。
2個讚