又到考試季節, 如果有得揀, 你會寧願自己教/外判/由佢自生自滅?
自己教又可以教到幾大?
我小朋友小四
我fd教到小六呈埋分
自己可以跟貼 但每三日就嘔血一次
考試測試就咆住哮咁過 
暫時仲教到就教 升左中就自己攪掂
5個讚
如果佢肯聽教而你又有時間我覺得自己教會好啲，起碼知道佢個底子去到邊，但係又唔聽又要勞氣就比人教，唔勞氣皺紋都少啲！太辛苦啦⋯⋯我自己每次都貼notes比佢做，初初都肯做成績唔錯，但越大個越唔聽又唔肯溫，我巳決定新學期的佢去補習，吃力不討好
我中學試過幫屋企人補習，但對方點教都唔明，因為好想佢學識，我就好急好燥，搞到佢都唔敢再叫我教。
相反，我幫其他小朋友補習就耐性好好多，因為唔洗咁上心，去學唔學得識我都係收呢個價錢，實際效果仲反而好啲。
結論係，我一定揀外判。
肯聽教就當然自己教，但 10 個有 8 個都成隻
走來走去，出動咆哮山莊成棟大廈都知你要溫書佢都仲係游雲發夢，嗰下真係眼火爆，叫個外人黎夾住佢，起碼唔洗咆哮又冇咁傷感情。
2個讚
數學外判。自己識，唔代表識教同識用返佢哋程度教。
中文英文做多啲練習，因為考試好多都係閱讀理解
2個讚
我也想自己教，因為我知道晒佢邊啲識邊啲唔識，但自己教真係唔聽，好好好勞氣，平日功課/默書/測驗/考試，日日家嘈屋閉，之後終於送左去補習…係大家都輕鬆左，好明顯！！
自己教到梗係自己教啦 但去到中學就難D跟到
1個讚
完全唔會考慮自己教lorrrrr
啲野又唔識又唔想做 教教下就會著 真係激死自己～
都係俾佢去補習社 起碼功課搞掂哂唔洗反嚟煩
why not both。
有些補習老師找對方向，我就係屋企用補充老師既教材，幫小朋友溫。
有些補習老師唔知點入手，我就先自己教一排，點出ABCD 4個問題，叫補習老師教我不擅長既AB，我自己教CD。
2個讚
自己教有時真係好嘔血, 到派卷返嚟見又係錯果D就仲激氣!
見到錯埋啲白痴野仲激心吖，計啱答案，但符號寫錯，數字調轉，ABCD 選擇題叉啱左，但最後寫錯字母，唔洗加 s 自己走去加，要加嗰陣又唔加。
1個讚
講一套：
有錢俾人教，想保護親子關係俾人教…
做一套：
但事實係，我自己教到嘔泡又嘔血。
重點睇自己心態，放心度，能力，財力，時間，受唔受教…
我估我會勞心勞力勞氣教到中學。
睇情況喎，你教到，關係又好咪自己教
我做補習，有做老師都俾我教，原因係唔想關係變差，所以你自己衡量
授人以魚不如授人以漁
1個讚
其實呢代係咪好少自己搞掂嘅小朋友啦？
呢幾日同個仔溫書，都諗緊自己參與度應該去到邊…細個時我由小一起已自己搞掂…個仔小二似乎仲未得….
我細個阿媽從來冇理過我嘅功課，唔會陪溫書，唔好督促我執書包，因為佢認為呢啲係我自己嘅責任，做得好定唔好都要自己去面對。其實我幾buy 佢呢套，細個仲會覺得啲同學阿媽同佢哋對功課係出貓嘅表現
利申：我阿媽係教書的
再利申：我會欠功課但讀書都幾叻
外判
一來自己唔係科科都教到，唔叻嗰啲科，怕自己教錯。二來教過一年激到我停月經咁滯，皇帝唔急，太監急，出去補習班就按時完成，喺屋企就拖到天荒地老都未做完。
真係睇小朋友同大人情況,平日有跟開功課先幫到佢溫考試~
有朋友平時無教開功課,考試之前一星期特登請假同仔溫書,都唔識同佢溫攪唔掂 
我女學校份卷出極少課文,8成出課外 