諗緊帝堡城啓思好啲，定火炭博士山好啲？
一間學劵一間私，都唔知點揀去報名好
仲有人話明愛幼兒學校好，但係爭崩頭⋯⋯ 聽到都驚⋯⋯
前題係無意要佢第時入名校/龍小，怕佢太辛苦⋯⋯
但又唔想N/K太hea上小學先嚟追，好似攤長嚟學感覺佢會舒服啲⋯⋯
大家有冇咩意見？
第二啲地方問親，好似唔試報名幼就係罪咁，所以希望喺呢度問吓聽下人話⋯⋯
仲可以有邊度 
佢哋講嘢係咁，當見識下
利申：其他區居民 
咁揀間近自己屋企就ok
1個讚
有啲WhatsApp group同Facebook 媽媽group
Boxhill 係裝備入國際學校，除非你想佢之後讀IS, 如果讀傳統學校，中文怕難追
1個讚
我以前做research 啟思happy school都好，但唔近我屋企，最後N班入咗浸信會榮光，我覺得津校黎講幾好，雖然上年疫情冇乜返學。今年讀K1，我仔上堂都好開心，但留意唔係直升K，升K要interview，好似得3分1上到K。
2個讚
我想問下津校返學實情學習係點？
啲人成日講到happy school就好似除咗自理就咩都無得學，等住上小學就追死佢咁，但我覺得當大部分都係劵校嘅時候，總唔會喺咩都唔教嘅情況下，個個升小都突然咩都得
除非個個去補習，但我真係好反對幼稚園/小學就要去補習，我細個就係咁，好唔開心⋯⋯
其實我都唔係太清楚，疫情關係冇入過幼稚園睇小朋友學習，大約知道學校有主題書教下小朋友清潔、學下圖形數字、有時玩下貼紙練小手肌，又有D練平行嘅活動咁上下，到K1下學期都係連下線，另外有英文同普通話堂。
1個讚
2間都去報名，收先諗啦，有時人地話好，但又未必啱自己小朋友，面試時親身感受下校長同d老師。
我仔原本讀卷校，pn時都好好，所以我冇轉其他k，原校升讀，但到k1時真係超級差，我先拿拿聲再同佢轉校（同年有4個小朋友都轉），不過我就轉私幼，而家返學非常開心。
幼稚園，令小朋友鍾意返學，開心係好緊要。
同埋真係報幾間啦，始終都要面試，唔係你想讀就有得讀你心儀嘅學校，不過又唔好報太多。
1個讚
BH用家分享：PN 比K少中文堂，然後K每年增加中文節數等小朋友可選IS/LS route，始終都有約一半會去讀LS。如果屋企講開中文都唔難追，不過如果屋企習慣講英文就難d喇
小朋友返學好開心，少功課。
1個讚