係好偏激，不過媽媽們唔洗放係心上嘅，每個100年都會經歷走承轉合，出生係邊個年代都有佢嘅幸福同悲慘，冇絕對
佢今日覺得冇將來，但世界在變，就好似樓上都有人覺得生係窮家庭好感恩一樣⋯⋯呃，好似仲要係同一個人黎添。
都會有人會批評你父母做乜咁窮都生小朋友？咁你係咪就唔使出世？**冇資格出世？
2個讚
對我黎講，俾人落左，唔駛出世都幾好
冇資格出世又so what
利申，我冇抑鬱，識苦中作樂
好多人都情願冇出過世
1個讚
多謝你幫我同樓上做左一個對比。
我想表達嘅係，無論係富裕和平嘅環境定係貧窮嘅環境甚至係戰亂當中，都有人覺得好痛苦亦都有人覺得好幸運能夠出世而有所經歷。
他人覺得自己人生係幸運定悲哀並唔係我哋可以幫其佢決定嘅。
所以我地可以表達自己嘅意見，可以批評人哋生唔生，但係有邊個真係可以規定邊個有冇資格出世？
2個讚
而家可能要master卦
早十年八載我覺得讀香島都冇事，而家真心唔敢講
1個讚
大把自帶乾糧5毛，佢地一面話我地覺得英美乜都好 (其實我地冇) ，只係佢地覺得大陸乜都好only…大陸有進步我唔否認，但同距離普世價值仲有d遠
偏激係，我只係道出我認為嘅事實，我講多一百次都會講
我上面有堆預計學校發生嘅事，不知大家唔移民又如何解決？我就諗唔到
International school?
我都係咁諗，成日有人鬧人帶父母去老人院道德綁架人，又話以前細個父母點辛苦湊大自己乜乜物物…其實我覺得好多餘
我老豆可以幫我沖涼，我真心冇能力幫老豆沖涼囉…
2個讚
佢一時又話覺得生b既媽媽on x 自私恐怖，一時又話自己尊重媽媽，一時又讚陀緊b既jm 係好媽媽。
2019年對香港無疑係不幸的，我身邊有朋友想生亦有人決定唔生，但大家互相尊重囉，想生既唔會走去刺唔生既第日你老左會後悔，唔生既亦唔會話生生生，生小粉紅喇你地。
其實根本就冇需要批評對方既選擇。
9個讚
生同唔生都好個人
就算冇任何理由去支持你嘅想法都唔需要向其他人同自已交代
畢竟一個咁大嘅責任
2公婆有共識唔後悔咪得囉
我由細到大都覺得自己家庭要有兒有女先叫完整
依家我有一個仔一個女
覺得自己嘅人生好幸福亦都好享受
6個讚
我好清楚嘅，我冇一時一樣：
第一樣係指2019年生但冇移民plan嘅人，on x
第二係general case，我表示我憎細路但我尊重媽媽
第三陀緊嗰位朋友住喺意大利，移咗民
樓主講明唔生圍爐，我就圍。佢冇講明唔批評得
3個讚
噢,. 其實我係同意Chibimaruko的.
我唔同意你講, 出生係邊個年代都有佢嘅幸福同悲慘，冇絕對, 之類.
以前慘, 但係因為以前冇得避孕, 而且女性冇得自主, 男人要上床就上床, 先被逼生咁多仔.
而家香港女性自己有得揀, 有得避孕, 仲有得墮胎, 咁都要生仔, 咁個仔的開心與否母親有絕對責任. 既然都可以預計小朋友將來肯定有好多苦難, 自己生老病死, 睇住父母死, 考試返工壓力, 仲再加上洗腦極權, 咁都仲要生真係自私.
4個讚
你可以批評我態度，但唔該認清事實，我copy一次：
‘新通識科鼓吹愛國主義、簡體字普通話為主體、英文地位大跌、引入大量不合格但夠政治正確嘅內地老師、定期上國內學習(例如一去一星期到個月甚至一個學期)、答題目要答指定立場否則唔計分甚至被追究、老師鼓勵篤灰文化、學生設黨委鼓勵學生連家長老師都篤、要去外國讀書前一定要政治表現良好學校先寫推薦信、出貓或違規但只要係特權人仕就可以唔記缺點或大過, etc’
我對以上預計情況不表樂觀，2019年後生又唔走，點處理？你批評我態度我明白，不過花多啲時間幫手諗點面對好過，反正我唔會改我睇法
我會咁樣回應 iamyellowmom, 係因為iamyellowmom 話 “咁你係咪就唔使出世？**冇資格出世？”
言下之意, 好似出世定必好過唔出世, 出世要資格, 個個都一定好想出世咁, 有呢個前設, 然後話咁Chibimaruko 咪冇資格出世, 好似係度貶低緊佢咁.
我就想話你知, 唔係個個都想出世的.
1個讚
我覺得iamyellowmom 應該係睇得明你唔認同佢，不過你既說話確實係幫佢做左個對比。
你既意見代表緊有d寧願無出過世既人，而你並唔係2019年後出世，所以佢先話唔同年代都有咁情況。同時，亦有另一類人慶幸自己可以黎到依個世界。就好似有d人覺得被人窮養係唔好既經歷，亦有人覺得因為有咁既經歷先成就到今日既佢。
4個讚
你講個堆生老病死，工作考試壓力，我地大人都面對緊，但我唔覺得呢d 叫好多苦難，人生一定係有甜酸苦辣順境困境。
我細個屋企好窮，老豆又大男人屋企家嘈屋閉，我後黎大左睇番都覺得自己原生家庭其實唔適合生小朋友。但我同時又好慶幸我媽生左我出黎，雖然有你所講既生活壓力，但同時有好多開心嘢。有好工好老公，有得意仔女，老豆年紀大左脾氣好左，開心嘢亦數唔哂。所以大家本身對人生係甜係苦既感受本來已唔同，自然對生兒育女會有唔同睇法。
2個讚
[quote=“ReasonsLin, post:157, topic:48619, full:true”]
唔該晒你，你睇得明我嘅意思
係丫，所以喺太平盛世出世嘅小朋友冇經過大苦難，佢哋自然都可以喺幸福當中搵到苦難，例如讀書嘅壓力，參加好多興趣班嘅壓力⋯⋯老一輩一定會話：嘩你有書讀好幸福啦以前要濟水㗎乜乜乜
相反生於戰亂嘅小朋友喺太平盛世之後會更加珍惜一切佢所擁有嘅。
所以生唔生小朋友真係好個人，最緊要係會付呢個責任。
幸福冇想像中咁複雜，亦都唔係單靠物質。
人生只係先苦後甜，定先甜後苦。
所以其實你嘅意思係咪咩年代都唔應該生？因為每個人嘅一生都一定會經歷唔同嘅壓力⋯⋯btw睇住父母死應該係正常啊？唔通有父母希望睇住自己小朋友過身？