咁又係呀, 然後又話呢個bd 咁多媽媽, 叫人番連登. 咁又唔係個個都開到連登.
定係bd 係唔可以開唔生bb 圍爐post?
講真, 我覺得"因為自私而生仔" 呢個指責係比onX 更嚴重. 而我而家講清楚我立場, 我認為, 有得揀生唔生的女人, 明知人生咁多風險, 咁易出事, 咁多唔開心的事情都生仔, 係好自私.
香港女人係有得揀, 可以避孕, 可以墮胎, 唔駛靠男人養
onX 只不過係無知同蠢, 不知者不罪, 但係自私係明知而為之.
不過我都唔會走去人地媽媽個post 咁樣講, 例如好多媽咪呻教仔難呀, 個仔有咩病呀, 我都冇走去人地到話, 你生出黎預左呢啲風險啦.
然後啲媽媽走埋黎唔生bb 圍爐區. 
我淨係知由亡國到呢度有樣野係大家同意, 就係講明圍爐、純呻post, 其他人入去講其他野，就係唔識做
原來係咁
唔係話咩rules, 去人地圍爐/純呻post講其他野, 一句言論自由我都耐佢地唔何, 不過就被人覺得呢類人唔識做囉, 但未至於無禮貌嘅,
仲有, 唔好乜都拖連登落水,
連登開個指甲post, 有個傻仔中入去亂up, 成班絲打都即開佢片, 傻仔完全唔敢再出聲 (其實我估佢只係無聊求其入, 冇惡意)
連登絲打邊夠膽得罪，嗰個傻仔肯定有排比人笑
我知道有黃嘅2019夏天後會照生B，希望佢哋係有backup plan 而唔係人照黃B照生然後乜都唔做
我分享一下我身邊啲故事：
我有兩個朋友三十頭，唔係深交，都係呢一年生，湊巧都係不理世事嘅女人。不過佢哋有輕輕表過態，例如有話警察唔啱，香港變晒之類，一句就算。我會歸納為淺淺黃
我作為朋友內心當然有話佢哋on x，但都有盡朋友責任勸佢哋要諗將來。佢哋O住咀望我：吓？移民？我哋下年買樓喎
全枱人呆晒，然後分析比佢哋知，封網封關人臉偵測等等一般社會性危險，都未講到教育，佢哋表面應下，不過大家知佢哋唔入腦
佢哋情況唔係咁壞，一個老公係加拿大籍，一個老公有過期BNO，冇諗過續，冇諗過走，老公都話唔走。希望遲下佢哋會醒會諗下
我個point係：你2019年夏天後生得B，如果冇移民或任何backup plan，冇驚嘅感覺，肯定危機感唔重，難聽啲講正牌港豬。一個真正黃絲點會咁？
共產x呢鋪堅係同香港人嚟真㗎喇，你出去問十個正常人都會咁答你
反而封網封關人臉偵測都叫做未開始實行.
教育係殺到埋身架喎. 已經洗緊腦. 然後啲家長話自己會教, 我都覺得係onXX 架, 你叫個仔學校一套, 父母一套, 個仔仲唔精神分裂? 點解要個仔細細個做雙面人? 或者預左個仔變小粉紅, 但係worst case 如果國家要個仔揀國家定揀父母, 佢會揀國家.
正是，再worst 啲係細路被組織成小先鋒、少年軍等等做宣傳機器，鬥唔同人包括父母，呢啲納粹同嗰個黨最叻
仲有入唔同營，教育營、勞動營、集中營
因為年青健康，DNA會比提取做強迫配對生育
反對政府嘅會被做活體實驗、器官活摘
The list can go on
算喇，其實佢又真係無講生仔好，唔算踩場掛
我估佢意思係用ON 9字眼會搞到唔生同生仔媽媽好似對立左有敵意咁，我見佢既留言都多人LIKED,應該有D媽媽睇完唔鐘意但廢事罵戰
我諗起前排有個post 話唔移民比人當怪物，大部分人都鄧樓主唔抵，覺得每個人做既選擇都有佢地既原因，應該互相尊重。
今個討論係有d唔同既，因為唔生既話係控制得到，兩個討論似既地方係尊重問題。
雖然樓上有人分享個hierarchy of disagreement 話批評字眼/語氣係比較低層次既反駁，而我係buy 依個hierarchy 既，但幾個媽媽雖然唔認同2019年後仲生係on x, 但其實佢地唔係反駁緊各位覺得唔應該生既原因，而係確實覺得有問題既係d用詞唔尊重某d人。
可能我miss 左啦, 其實有冇人真係反駁, 覺得唔移民, 2019年後生仔係ok?
定係其實佢地都反駁唔到, 唯有話"乜你咁唔尊重人架, 我嬲嬲豬!"
人地無駁都話佢地係踩場，駁左更加話踩場啦？
緊有人覺得無問題先生，呢個Forum都唔少，無入黎講姐
咁我係咪永遠冇機會知人地點解覺得ok
再開個post 問又俾人話挑機喇.
你留意下其他Post例如講移民/買樓/讀書，間唔中都見到有留言係Feel到佢地睇法
再者雖然香港生育率低左，但相信唔係全部藍絲媽掛
Thanks!
印象中回應得最多既好早已經係講緊尊重問題。
我都有講過覺得影響學生最深既唔係教育而係朋輩、教育留俾我最深刻既亦唔係教學內容而係當中學到既思考模式。唔知算唔算反駁啦，但我原意只係想俾樓主有另一面睇法，唔想反駁。主要係氣氛真係有d差唔想同人鬧交。
其實要反駁亦都無話反駁唔到，每個人既背景、資源、資金、思想、政治立場（淺黃到深黃都已經好唔同）、對未來既推測、preference等等都唔同，好難以各位自身既情況判斷人地係咪on x。
既然都講左我話人人都唔應該生仔, 我貼埋呢個五夜講場, 哲學有偈傾的link 啦. 講反生育的.
其他post見到有人講只要家庭「灌輸正確價值觀」，唔驚個細路留港升學成長之類…咁即係要教佢有啲嘢喺公眾場合唔可以講？對住老師同學可能要講啲違心嘅言論？咁算唔算教佢講大話？唔教佢講大話輕則被學校label重則国安上門查水錶…
文革批鬥父母嗰啲唔通全部屋企無「灌輸正確價值觀」？
極權社會嘅來臨，任何人都應該警惕，歐威爾嘅1984已經好清楚咁揭露出嚟：連思想都可以無孔不入。唔好攞大家以往經歷嚟比較，因為根本同極權環境唔同 level； 同內地比較都冇用，因為而家香港係佢收復對象，一定比對付內地社會更兇更狠
新疆嘅人被迫食豬肉，臉上唔可以表現驚恐及厭惡之色； 北韓人喺啲領導人死忌日喊得唔夠傷感會比清算
時代進步，但極權政權嘅只會令佢哋發明更多高科技嘢去箍制人類
假設個小朋友2019年出世，有七十歲命，2019-2089你能夠想像中共會對香港點？父母嘅愛同保護同愛有幾成功？
荼毒室fans揮手
我本身都傾向反生育但個天就送咗個不請自來嘅囡俾我，得啖笑
我識一個黃朋友上年生左，自己加拿大籍，太子女黎勁有錢，第日隨時話走就走(除非去到完全封國
) ，我估佢真係唔太擔心。