話說我轉咗工一年, 係新公司一條細team 做。
同team 除咗team head 同 clerk 就得3個人, 我係其中一個。 另外2個都係40尾50頭既男同事。 其中一個好private, 都唔會點講野。 另一個就social d, 一開到返工佢都帶我教下我做野, 又一齊食下lunch。
但後來就愈來愈唔正常。 佢開始同我講佢同佢老婆d野, 話人地點對佢唔好又話搞離婚。
佢又會跟著我放工, 一齊搭車我問佢搭到去邊, 我話自己去到xxx站, 佢就話佢可以係個到轉車。 到我返屋企門口。 咁我同c6講完, c6 叫我帶飯同唔好理佢。 咁我開始帶飯, 佢就留喺office唔出去食飯食杯麵。。。 同我講同我一齊食開心d。 我唔理佢自己係位食。
有一次仲癲, 我請年假去做姊妹, 佢知道後清晨喺我屋企樓下等我話想幫手。。。
咁我忍唔住同佢講話覺得咁唔好。 佢就發我脾氣話只係想同同事friend, 話我睇唔起佢之類。
基本上以家我都冇同佢講嘢。 開始識到其他同事。
有一次有一個同事行去我位到吹水, 佢就用一個好兇嘅眼神倔住我。 嗰一日之後, 佢放工放飯都係到留意我, 我唔走佢唔走。 好似想睇下我同咩人食飯, 有冇人會過嚟搵我咁。
佢同個team head friend 我講出黎team head 都唔會做咩。 加上佢依家又真係冇做d咩實際野。。。 c6 叫我唔好理佢當佢透明就算。 但係我每次見到佢喺度監視我就覺得好驚又好谷氣。 我可以點做?
好恐怖啊！佢對你有幻想
我諗都係唔好理佢，繼續同周圍所有人保持友好（有咩事多個照應）
最後就係得閒「講下老公」比佢知道你兩個關係親密（希望佢停止幻想）
6個讚
好恐怖，你最好出入都叫老公接，買個防狼器跟身，可以既話轉工。
2個讚
估唔到大家都結左婚仲有呢D野… 開口埋口講你老公，睇下會唔會好D
聽起黎條友有d問題wo，仲做得over左… 可以既話多d叫你老公接你show恩愛，又多多少少講下你老公野以示名花有主。
你feel 唔feel到佢既企圖係咩？
如果都無用，就睇下呢份工有幾鍾意，一般般就quit.
當透明但佢會bear住樓主wo…呢d 咁古怪既feel好難當透明
我都係中年男人，不過呢個絕對唔係中唔中年既問題，係你同事本人真係有問題…做得太over，做姊妹件事我睇到都「吓」左聲
認真既話真係工作以外盡量唔理佢比較好，除非唔做者，或者你借機會搵team以外第3個人問問，如果你覺得可以信賴
我入公司早期講開公司醫保d 同事知我有老公，我平時要搵機會提多d ！
我覺得呢個同事講佢自己就黎離婚係真既
係屋企無晒方向，無話事權，想係屋企以外既地方搵返控制權
想打造一個best friend。
我愈諗愈覺變態。。。有一次佢同我講「岩岩個星期日我地無WhatsApp，之前無斷過」
其實佢既行為令我諗返起以前小學初中個時會做會講既幼稚野
4個讚
做姐妹咁好喺樓下等好變態、公事以外嘅野、例如放假會去邊做乜、敷衍佢算、唔好同佢講咁多。
社交網站、whatsapp相換晒同老公合照、可以嘅話叫老公間唔中接收工、開口埋口掛老公喺咀邊。
帶飯、佢都要痴過嚟就收起盒飯，扮老公過左嚟揾你落一落街…
1個讚
好變態！理得佢青年中年老年，人地有老公就唔好咁多幻想仲做到咁過份啦！
叫老公接你放工曬恩愛，貼合照擺當眼處，電話都擺合照，放飯都話同老公去食。最理想當然係轉工走人。
依樣真係好恐怖
以後公事以外就盡量唔好理佢，如果避唔到就門3口埋口都講老公講到佢無癮
好恐怖
多啲開口埋口提老公 或者叫佢黎接放工
私人野唔好透露太多 知你地址係一件好危險既事… 有時最好講啲錯既info
例如星期日打算去西九行下 就話去中環/留係屋企怕佢會跟蹤你
放工就話約左frd要搭另一條線/提早落車 等佢走左先繼續返屋企
3個讚
其實新相識,不論男女都要避免比人知太多私人野,尤其是住址
1個讚