呀仔7個月, 其他人可以抱瞓佢, 但對住我就一定要奶睡先瞓到, 眼瞓我抱佢會掙紮。 問題黎啦… 佢又瞓得唔好, 一晚醒3,4次要啜奶先瞓返, nap都醒1,2次又要啜, 有時啜完放落床醒左要玩一個鐘後再奶睡, 所以長期都食到飽曬… 唔知應該幾時加固, 佢亦長期食奶食到飽曬唔肯食固。唔俾奶佢又瞓唔到, 眼瞓更加唔肯食固體。
除左戒埋身, 我諗唔到點幫佢戒奶睡, 唔戒奶睡又唔知點加固。唔通咁快要戒埋身…
(長期得我一個湊住佢)
你要寫時間表出嚟先睇到點加。
我全埋身, set唔到時間表。佢有時瞓好多, 有時全日瞓唔夠12個鐘。有時4個鐘都唔扭食, 有時1.5個鐘又要食。如果眼瞓就一定扭食。有時食2啖又瞓左。所以煩緊係咪要戒埋身
我嗰時全埋身係有跟時間表㗎
不如講多少少仔仔點樣入睡？抱住瞓著之後放落床？會唔會試吓訓練佢自行入睡？
都話佢要奶睡囉… 所以佢一眼瞓就要食, 搞到跟唔到時間表。 通常起左身2個鐘左右就扭奶睡。有時瞓半個鐘, 有時半個鐘醒左繼續扭奶睡。唔俾奶佢會爆喊
我講下食奶時間，純分享，個個家長都有差異
我果隻就快4個月，2個月時夜晚10-12點食完就訓到天光
之前轉一日5餐時間係我set既，例如（早上）7點/11點/3點/7點/11點，其實唔駛跟足，我係正負1個鐘，有時佢早醒就6點餵第一餐，有時繼續訓就8點先餵第一餐（例如星期六XD）
當然有時都好似你咁講，佢明明食完，隔個半鐘又叫，我一開始會無視，佢叫得耐我確認佢真係想食，先再開俾佢，我會當佢有時會有間中暴食期，某幾日食多d都無咩問題（當然唔係多太多果種）
都係得個分享，實際上應該唔係好幫到你情況，我果隻又開始出牙仔，又厭奶期，有時係難搞d，加固更加未有佢份，等其他家長分享下
話說訓覺，有時丟佢落床，佢自己同自己講野，講講下就會訓，真係算順利
1個讚
似係當咗你係奶咀
如果我係你我會嘗試戒奶睡。過程一定痛苦，見到bb 好似戒毒咁
媽媽一定唔忍心，但而家咁樣大家都辛苦
我覺得唔使一嚟戒埋身嘅，但諗下其他令佢訓嘅方法。
樓主多唔多帶佢落街？佢有冇坐坐下車/喺孭帶訓？
咁小朋友日間醒既時間先餵食後補奶？
佢4個鐘唔扭食者，但俾佢食糊仔/果蓉又肯唔肯？
因為去到扭食先俾，通常都唔肯試新野
我三個都係埋身成日啜，唔會話加唔到固嘅，試一啖囉，比佢試下奶以外嘅口感同味道先