好緊張呀！星期三就第一次見醫生，姑娘只叫我拎過往嘅身體檢查報告，結婚証書，但無提過當日會有咩做，搞到好緊張！佢仲叫我諗定埋轉介邊間公立醫院
祝心想事成 
一開始都係見姑娘問下你病歷 同埋要你去痾尿驗尿酸？ 之後就係見醫生照超聲波 順利既話就會出預產期證明比你 再叫你出去約做t21 約16週度再返去產檢 我睇張醫生係咁 比你參考
我係睇生育問題，周醫生
1個讚
Thanks!因為都2年喇，幾個月前決定搵專業醫生幫我
加油
我都係睇周醫生，iui唔成功，但一個月後自然bingo左 
1個讚
第一次我諗都係觀察下先，未必叫你試iui嗰d，再睇下有咩其他檢查做，如驗amh，照輸卵管之類
我都係仁安周醫生，做ivf。一次成功了
依家差唔多6個月啦
加油加油
祝成功
會同你地講解iui 同ivf唔同，驗血
男嘅會驗精子，女嘅照子宮卵巢
香港法例人工受孕只能夫妻做
如果你地決定做，就需要結婚證書
最快係下次m到第一日再見醫生，開始療程開針
我個case係，m到day1見醫生，到放胎後確定有bb大概4個月
你好好呀，第一次就成功！
我好悲觀架，我都希望一次搞掂
第一次見醫生應該都係同你了解身體狀況,再講解有咩可以做
之後就會叫你約時間做檢查咁
我去仁安之前都中醫調左1年身體啊
平常心啦，壓力都係未有bb原因
周醫生話
好多夫妻都係咁，唔一定係你地身體問題
唔中就唔中。
我自己唔想試來試去，所以直接ivf
加油啊。祝大成功
更新下
今日終於睇完周醫生，做左超聲波，驗amh
先生驗左精液，周醫生講得好詳細！佢好友善！
其實我知我第一個問題就要減重先，二就係先生精液嘅問題，佢曾經驗兩次個結果好大分別。
周醫生話等精液報告出再跟進
1個讚
咁快手驗哂!
可唔可以share 一下係咪就咁打電話去約身就ok？洗唔洗轉介信果d? 同埋就咁見醫生同身體檢查價錢大概幾多呀？感謝🙇🏻♂️🙇🏻♂️🙇🏻♂️
打電話去預約就得㗎啦。
如果淨見周醫生，佢都講緊診金都收1200左右啊
唔該晒🙇🏻♂️
淨診金$1200都好貴下
我早兩個月就打電話去約周醫生，當日去到要填資料量血壓同度高磅重，記得拎埋結婚証書同之前有做過嘅身體報告。
到我地入去見醫生，醫生會問下你問題，例如備孕幾耐？有無吸煙飲酒等等問題。
之後醫生叫我照超聲波同抹片檢查，有一下少少痛但都忍到，醫生一路睇一路講解。
做完檢查就話要同我先生驗精液同驗我Amh ，我地無諗到咁快，咁醫生講做埋我地都照做。
所有野做哂一共$4567
而家只欠我amh未知報告，醫生要我再照超聲波，同埋再約時間照輸卵管。
我老公果part就無野可做，一定要戒酒戒煙。
醫生不停話要我要減重再做iui，其實我係想做ivf唔想煩。
發覺D醫生都係suggest人做幾次iui先ivf
係囉，我老公啲精型態唔合格，醫生就話做iui，我上網睇成功率低，咁我點搏？佢仲話唔做點知唔得