我上司要求我放工都要留意客人查詢…
我已經表達咗放工未必有時間睇…佢都堅持要我留意電話
公司group有時有d分享，但冇需要做嘢嘅
以前份工上司經常放工後先至whatsapp叫人做嘢，要立即覆，否則whatsapp罵人甚至打電話去駡人唔覆，試過爆佢先至好少少。又試過去旅行不停whatsapp 問無聊野，唔覆又罵，最終係香港時間半夜狂覆佢，佢先至收皮
2個讚
即係可以不用回覆不用做?
咁pk,呢D上司真係好衰 ， 唔洗畀人休息咩？
1個讚
我地做批發嘅，純粹有時見到d類似新產品，又覺得可能有ref，會影相扔上group比大家參考下
放工,番工前都要…
有幾次放咗工有同事係ws問少少野
我覺得ok嘅
1個讚
我都覺得答就人情，唔答就道理
同埋睇下有幾急同呢位同事frd唔frd
1個讚
自問奴性重，我放工都會睇，亦試過去英國旅行都半夜照覆。但我老闆好好，佢問得一定係急，平日對我哋,亦鬆手。所以我哋成日話養兵千日用在一時，我吞卜老闆唔同我計，佢要趕野亦無托手㬹。
7個讚
有，以前公司gp即使係假期send公告野都要覆noted, 好無聊。
24小時咁濟
我試過請咗假去旅行，老細不停打嚟話要改自己去旅行嘅機票，我唔係PA, 佢仔大女大，公司仲有咁多人，點解要咁乞人憎？
1個讚
唔會要求，我鍾意就覆，唔鍾意就第二朝先覆
我搵同事都係，有時星期六日會send texts但冇要求對方覆
2個讚
冇特別野要覆
如果係好重要，要立即做，又或者同明早既工作有關，咁我會介意覆whatsapp, 但如果係無聊嘢又或者唔趕，唔明白點解晤用email, 等我第二日一開機就見到個message, 結果我咪send 返個email 俾自己，以免第二日唔記得佢既「訓示」
2個讚
之前份工要 又係要留意客既查詢 真係24小時standby咁濟
而家呢份工就未試過 放工就真係放工！
瞓左咁點？
第二朝先覆 啲客都冇乜嘢既
但腦細真係expect我地機不離手, 星期六日都留係屋企覆message
真係好彩走得快好世界
2個讚
係，一定要用依d招數先搞得掂。
有個pk同事，最鐘意5:27,28打返黎公司交帶d野(office hour到5:30)，小佢一次就唔打返黎幾日，隔幾日又故態復萌，佢話佢做野好忙只有依d時間先講到電話，我見佢咁鐘意工餘時間做公事，我開始前一日無聽佢電話，第二朝8am就打俾佢問返佢咩事，頭兩次佢話我做乜咁早，之後再7:30am打俾佢，佢問我點解我就話只有依d時間先講到電話。
跟住佢唔再打俾我，轉左打俾另一個同事 
只有以其人之道還其人之身先有用。
有個老細都係喜歡d同事秒回，仲要講埋就算去旅行都有wifi一定要覆email/whatsapp，有幾次佢去左旅行，突登搵個wrong time send d唔緊急既事whatsapp+ email佢，見佢唔覆就打電話俾佢，同一個旅程試左幾次，返到黎香港佢開會就叫我地要work life balance，話去旅行都係想放鬆下
8個讚