其實最新有幾多升到翻中學?有冇版友讀緊同知?
係’培’
係「培」
以前 hkpapa 做過嘅表。
培正係 100% 自行收返曬自己人，甲部同乙部非保留應該有街外人入到，因為見到有某私校係入到呢間。重讀位都有機會係全部留畀培正小學部。培正都有唔少人外闖，都有十幾二十個，始終唔係個個都鍾意中文中學。咁樣計嘅話，大概有 7 成多啲入到培正或者其他 Band 1 學校。
所以「收小學部 85%」呢個係錯誤嘅了解，係中學有 85% 嘅乙部位留返畀小學部，小學部如果人多嘅話，就未必收到 85% 咁多，人少就可以好似聖提女咁樣，基本上全部直升。
3個讚
嘩…你地好勁…咁快搵到
咁即係上翻去中學唔夠一半? 85% = 118/137?
216-118-65=33個位是統一派位?
65 個係自行，培正自行係完全唔公開收生，全部收自己小學部，118 個乙部係直屬派位。
培正小學部學額大約 280 人，中學部學額 216。所以起碼有 (65+118)/280= 65% 係可以入讀培正中學。上面 papa 條數已經寫得好清楚，「自行+直屬位可覆蓋小學學生比例」=65.36%
85% 係乙部中學可以派位畀直屬嘅額，除左聖士提反女子之外，其他津貼直屬都係：(總學額-重讀-自行) X 85%。呢個係一間學校可以畀到最多直屬嘅學額，當然有直屬係唔會畀咁多，例如 SLS，不過呢個另話。
廿幾年前我都係由其他學校轉入培正中學。嗰陣時身邊嘅同學大部份都係培正直升。好少數外邊入讀。但係咁多年之後當然唔同晒。
280 人好多…計佢出去考其他學校頂尖20個 260 = 70%左右…但好似話中學人可能轉直資
頭先再有望下，培正開 8 班，但唔清楚實際一班有幾多人，因為 30 嘅話就 240，35 就 280，不過睇 10 年前用家升中分享，到呈分就大概 240-260 人。
九龍城 Band 1 學校多，吸引到部份 Band 1 培小學生去公海大抽獎，反正培正都有 19 個非保留位，唔多其他學校嘅家長會揀培正，始終係中中同埋覺得咁少位搏唔過。所以實際可能係接近 80% 入讀 Band 1 學校。
就算係 280 人一級，～70-75% 算係正常，因為其他直屬都收差唔多呢個位，例如瑪利諾、瑪利曼、喇沙、聖若瑟，呢啲更加少人外闖，自行又唔傾向收自己小學部（反正最後大抽獎佢哋都會乙一）。
中學如果要轉直資，一早轉左，唔會等依家。上次講話轉直資，已經係 2006 年嘅事。對上一次咁樣轉，都只係協恩。港華同聖保祿都有諗過但強烈被反對。直屬好少好少會轉到，一轉就對小學部黎講係變天，同埋一轉直資，中學部可能請唔到好嘅新老師，又留唔住舊人會走佬。
就算小一收足280人，但到小六都應該得番240人左右
呢份古董資料你仲搵得番
個40個去左邊?
嗰陣時f1, 先生已經恐嚇越高年級人數越小. 成績唔好嗰啲會踢出校.
插班轉校唔出奇，以前朋友都係培正插班黎學校。始終中文中學，雖然培正係好好，但唔係咁多家長接受到。可能亦有部份小朋友跟唔上，私校可以無止境咁留班甚至踢人走都得。
有啲家長讀過大學，心裏有條刺覺得自己英文唔夠好因為讀中文中學，所以有得轉嘅都走。培正學術根底都唔差，雖然英文就相對地遜色啲啲但同出面普通學校比，都係中上，所以去其他學校插班都唔會太大問題。
p1 or f1?
中一入學嘅時候, 好多個先生咁樣同我哋講.
中1入到去…dse 左都唔會太差…
其實我諗緊如一心諗住個細路出國讀書, 係咪讀普通津校已可以, 不用搞咁多~
因為都幾煩…就算入到經濟都有一定負擔~
培小一個月要用多少錢? 一般來說?
如果移民, 我哋強烈建議讀中文學校。
我過來人身份，乜嘢學校去到之後都會重新嚟過。由細到大讀中文學校，反而中文嘅根底打得好好。比其他讀英文學校之後去到加拿大香港同學多做一種技能。
培正嘅時候我阿媽俾錢，完全唔知幾多錢學費！
但係爭啲俾人踢出校，去咗加拿大，完全冇影響我嘅人生。
移民應該唔會, 係直接送佢出去外國~初中或dse後
1個讚
多謝，呢張table真係好用。