想問下大家係點樣同BB戒睡袋同奶咀？
BB而家6個月，佢由2個月開始就係用love to dream睡袋同奶嘴瞓過夜，但佢通常半夜5點發現自己甩咗奶嘴就會喺到叫,一比奶嘴就瞓返。
我試過晏晝唔比佢著睡袋，佢不停自己玩個奶嘴，望天花板，郁手郁腳，就係唔瞓
但我知佢已經好眼瞓…
點解要戒睡袋？
奶咀－一開始俾奶咀佢我就等佢瞓著咗就會拎走 同埋唔瞓唔會俾佢玩/啜 之後慢慢瞓覺都唔一定俾奶咀 到依家瞓教唔駛奶咀 淨係緊急情況或有時半夜我哋都好眼瞓先俾 要一步一步嚟 同埋喊要睇吓有冇其他方法令佢calm down （抱一陣或者唱歌？）
我同你一樣，一個月到而家4個月大都係要奶嘴同睡袋先訓，我都係4、5點幫佢執奶嘴。我都試過戒，戒唔成功。但6個月有冇影響佢翻身？反射動作驚嚇醒個啲消失哂未？
Bb要安撫物訓覺，你唔想佢用奶咀，要揾到其他野代替先得
訓睡袋都幾好，唔洗驚佢踢被，又d睡袋款可以伸出手腳，好似連身衫咁，好好用
我阿仔穿到5歲仲著咁
我反而煩再大d冇唔size連身睡袋衫比佢訓