等到頸都長埋,終於等到8W去產檢,首先肚照照唔到都心知不妙啦,然後轉陰照,好勉強先照到個胎,但得0.44cm,太細,唔係8W應有既大小,似6W,我係M準同埋有CHECK住排卵,所以醫生都覺得應該胎停左,照唔到閃,宜家等多個星期,如果唔自然流就應該要塞藥或者做手術啦,最慘我係完全無先兆,無留過啡,無肚痛,雖然我都打定輸數架啦,我都接受左啦,成日睇唔到forum,都知有BB唔容易,亦都好多關要過。想睇大家有無相似經歷分享下
1個讚
我岩岩生完第一胎，
岩岩坐完月，
有一個星期突然覺得訓極都唔夠。
心知不妙。
Check到有左。
過左幾日。
開始流血。
之後果幾日不停流血。
一個鐘就要換一次衛生巾。
一片衛生巾滿曬血。
一直有址住址住痛既感覺。
好辛苦。
我今日又黎M
依家仲喊緊
有BB真係唔易
祝福你
一直落左一粒好似受精卵既野出嚟。
我就知道我流產左。
身體唔好自然流唔住。
之後成兩個月先黎弟一次m.
流產之後身體會好虛弱好容易會暈果啲，
唔好心急。
調理好身體先。
再過幾個月準備好。
Bb係好再番黎你身邊架。
上年12月空心胎
我黎完一次就bingo咗啦
宜家等緊佢自然排出呀,唔想刮宮呀,好傷,我已經準備好坐小月啦,但仲未見佢有動靜,而身體又無唔舒服,先幻想緊佢會唔會有0.01%機會係繼續長大緊姐,我都好心急想佢快D排走,唔駛心掛掛
你空心胎係點處理?
唔係可以揀塞藥等佢排出既咩？
係呀,不過我第一次照,醫生話未急到要即刻塞藥,宜家觀察一星期先
去咗揾李天照做吸宮
第二日做完係攰d，但無其他人講會虛呀暈呀咁樣～
我試過兩次，第一次係自然排出，有一晚突然流好多血，半夜入咗急症再住院，有醫生keep 住檢查，第二日再照超聲波已排咗出黎。
第二次係無痛無流血，但照到空心胎，醫生建議含脷底藥，用咗一日時間先排到出黎，過程都幾辛苦，因為d 藥有副作用，會又痾又發燒咁。
講起都想喊，上年試過兩次，第一次最慘，6w照到心跳8w話停胎，size停留喺6w，用藥流。第二次就著床位置唔理想兼無心跳，醫生話算係宮外孕，要吸宮，咁啱果期無醫生又無手術室，足足住咗四日。
咁會唔會再試懷孕你？
其實想講多少少，本身自己遲結婚已經4x歲，抱住有係bonus嘅心態走去睇威院輔助生育，點知見醫生前幾日發現自己有咗，醫生約我兩個星期後返去照，醫生嘅表現仲開心過我，兩個星期後聽到bb嘅心跳真係好神奇！之後走去book哂政府同私家產檢仲唔少心join埋好多媽媽會(診所門口被欄途截劫)，點知到8w照到無心跳…
傷心之餘仲要久唔久收到尿片試用同sms……
去台灣試下做人生受孕。
唔好意思我pm唔到你，我最近都被告知8週胎停，而家都9週未流血，醫生話可以等多兩星期，但我都係好擔心，請問你可唔可以pm無麻醉既資料比我？痛唔痛同埋過程係點
感謝
1個讚
唔好意思，唔知點解我連回覆你pm做唔到，
我都係睇左教授既video所以想問係咪會再打少少麻醉？ 因為我比較擔心如果真係痛，同情緒激動會鬱到影響佢做手術動作，請問你當時痛唔痛，同埋之後係咪出好耐血？唔該曬
1個讚
我覺得唔痛，但都有人覺得痛
唔洗打麻醉架，過程其實好快
其實唔算係手術，只需要做前飲多啲水同放鬆
我做完仲行得走得搭車返大西北
好建議你搵教授做，佢係生育方面都可以幫到你，之後我bingo我都有揾教授睇咗幾次
1個讚
記住要放鬆，信我～過程真係好快
你愈快調理好，BB愈快返黎
流血方面你唔使太擔心，係做完果一兩日攰啲同keep住有血，之後已經無乜，間中流啡咁
1個讚