今個暑假本地遊!唔出國! 
唔講搭飛機坐郵輪,要講請過主,自己開新 po 講飽佢 
大家有小朋友家長們,會去邊?或者報乜玩?搞搞新意思,歡迎分享下! 
book 左2晚迪士尼 staycation,6折呀!
忙裏偷閒,好有滿足感 
2個讚
未稔，淨係稔報咩班渣
1個讚
仲未諗到，今年特別熱邊度都唔想去
咁抵係邊度訂?
1個讚
我都度緊!暑假太得閒,一方面都怕心散,但另一方面,見佢平時返學都辛苦,都想放縱下佢!所以補習班一定唔上,其他興趣班就上吓,當比佢有個時間規律上堂,同時都係佢鐘意為主!
當然人人唔同,有 d 同學仔下年考公開試,咁梗係揸緊暑假時間作衝次都未定!
1個讚
官網呀!不過要訂2晚先有6折!
explorer 房6折後810$ 1晚!我訂返迪士尼房,都係840$ 1晚!
留意返唔包食同玩,齋住咋! 
2個讚
嘩，好抵喎！
1個讚
優惠琴晚出架!想去就快 d 訂啦!
1個讚
小朋友讀緊幼稚園，會跳kpop (連表演), 節奏樂（用disney 音樂）, 畫畫（最後完成一本自己創作既繪本）, 英文drama
都幾充實，仲有小小時間比佢地去長輩屋企sleepover, 當渡假。
disney 一諗起就熱到溶，去沙灘同離島都係，想帶佢地去但又好怕熱🥲
2個讚
me2 一樣細!都係會去長輩屋企過夜多!
好多野玩喎!
我反而諗住連興趣班都停一個月,因為平時學開畫畫同彈琴…游水反而會報返,佢至愛 
入去迪士尼住都係齋住齋 hea,怕太熱都唔會入園玩
1個讚
同你差唔多，除左跳舞其他無玩，想趁呢個時間比佢體驗下再睇好無培養。
游水佢驚，大既唔ready 細既又太細，我都想佢地游不過算啦。。。
2晚係disney hotel會唔會玩到無野玩架。。。？瘋狂游水？
1個讚
可能真係勁游水架!佢試過游足2個鐘都唔肯走,我都攰架! 
因為平時無得睇電視,要去長輩屋企爭電視睇!酒店房d卡通都滿足到佢願望啩
佢自己話好耐無探米奇老鼠!要過去搵佢!咁就比左錢嘞 
1個讚
依家一放假就放監一樣，沙灘離島嘅人仲多過商場，而且依家都已經咁熱，七八月中暑都似
1個讚
六折無早餐。嗰度而家又無自助早餐，一份早餐成兩舊水。我book國賓廳，早餐可以任食。
1個讚
諗起戴住口罩係戶外真係寧願留係屋企
1個讚
上次住國賓廳，好似包食咁，服務又好，體驗好好。
2個讚
我一個已升中，一個預備升中。暑假一個返幾日資優課程（沒有詳情提供），一個每星期返學校課外活動三日。恆常補習同學琴。
公眾游泳池滑梯唔開，所以都唔會去公眾泳池，會去屋苑個泳池游水。
迪士尼、海洋公園都應該會去兩次（其實海洋公園一年已去咗四次）（迪士尼去咗十次）
2個讚
又熱又多人仲要戴住口罩實忟到理智線斷裂eq急降。。。
4個讚
我屋企都係無電視睇，一出到去有電視既地方佢地就好似比電視吸走靈魂咁，連爸爸都係。。。
1個讚
舊年住過冰雪奇緣房，舊年五千幾一晚，一晚真係唔夠。今年兩晚成萬四蚊，我都係book返國賓廳啲客房算。
以前有自助早餐，兩大兩小再用奇妙處處通七五折，都只係七八百，咩嘢食都有。而家無咗好可惜。
1個讚
分別book咗愉景灣、汀九、馬灣、梅窩嘅酒店，再俾佢玩下四大長老。
補下習學下玩搖搖～
再俾幾日大家廢下hea下咁，應該差不多～
4個讚