今日老公話唔gur 我呢份工，攪到我比以前忙。（忙係講梗返工八個鐘，做六個鐘野，每日準時放工） 我自己覺得好鐘意，好多野學，又有進升機會。
我以前係做社工，真係好辛苦，佢嗰時又話d 工咁辛苦，話做呢d工唔抵，做社工係我志願，但最後為左小朋友，我都無做，中間做左幾份文職。一d 都唔忙，但同事俾獲我咩，做得唔開心，佢話嗰d 工幾好，我覺得
老公一直都唔明我想要咩，在事業上唔支持我,我都唔想再同佢講返工嘅事。
對住佢，我越講越少野。
2個讚
工係你番嘅，咁當然你自己揀，其他人嘅意見可以自行過濾～
我老公同我完全唔同行業，都唔會明白對方，尊重對方決定就可以了，因為一定係做嗰個先最清楚要承受啲乜。最緊要份工唔會做到人精神緊張，錢少啲都冇所謂。
4個讚
自我過慮真係好重要，尤其係老公講嘅嘢
3個讚
有啲男人鐘意踩低老婆／女朋友，抬高自己的 (可能係無意識地)。
可能佢傳統思想，覺得女人要放多啲時間喺屋企，但又無能力比你做FTM, 所以咁樣講吧。
4個讚
認同！
仲有啲係希望女方「一事無成」
乖乖地當佢神咁拜！
1個讚
既然佢唔理解你，你更要堅持自己追求既野，唔使理佢。
1個讚
好明白你，
正如我自己做屋企人永遠會我幾十蚊一個鐘。
一個月都得幾千蚊，無用。
以前會好介意人點睇自己。
番工有啲同事工作比我好。
有時會講啲難聽既比我聽，
有時我好比心機去做，
老闆都會同講一句：
你既表現我唔係禁滿意不如我減你人工，
你唔想減就辭職拉。
有時會好氣餒，
點解我盡咗力去做其他人睇唔到，
試過番屋企路上自己偷偷地喊。
唔知為乜，
只想有人可以贊下自己，
睇到自己努力。
1個讚
大男人個套，思想行為性格做小男人嫌阻訂
極同意，以前細個唔識諗，有份工做得好地地，比另一半叫我唔好做，要搵份近啲嘅hea啲嘅…
我而家幾年先醒覺，真係有男人會想個老婆無咁叻㗎
3個讚
我都覺，反正做咩佢都唔鐘意，自己鐘意最緊要！
你老公係咪事業好成功？如果係佢俾啲有建設性嘅意見，再用自己嘅connection幫你搵到份筍工，咁又冇所謂
否則佢只係一個咩都睇唔順眼嘅怨婦
1個讚
佢算係做到中位，我就係低層，因為𨍭過行，要由頭黎過， 好彩都轉到，你講得啱，佢真係好似好多嘢都睇唔順眼，我喺屋企上個TRAINING，佢都會話，駛乜咁專心，好多人都唔聽㗎啦。心好攰
咁多嘢講，男人老狗咁鬼煩