前幾日check左兩次發現係bingo 左
我諗住過多幾日去睇醫生
但點知知道公司開源節流 要炒左我
第一次bingo 加上未睇醫生
好怕唔穩定 成個人好緊張
依家唔想無左份工
好驚自己係check錯 搞到好唔開心 
點解咁既事會發生係我身上 
1個讚
出左信炒你未？
未嘅即刻睇醫生拎懷孕證明比公司，咁公司就唔可以炒你。
起碼保到你份工放完產假為止。
不過就可能會比公司為難你，迫你自己辭職。
26個讚
我講左話聽日去睇，有證明立即俾佢
我都好驚會為難我
想我自己走、其實都做左幾年
無功都有勞、唉
你比醫生紙公司，佢地就會炒第二個。
炒大肚婆好煩，你去勞工處可以玩死佢地。
唔使擔心公司嘅事情，注意自己身體。
8個讚
攞咗證明先，至少未來幾個月公司炒唔到你
之後可以慢慢考慮生完仲向唔向度做，定係早啲自己唔做養胎，起碼個決定權向你度先
比我就幾大都挨到攞產假，如果去到放產假公司都係諗住炒我，我會傾補多一個月錢比我，放產假後就唔再返工
7個讚
應該都會想捱埋個產假（希望捱到）
唔想蝕俾公司 係應有既員工福利
本身都有諗住生bb後就唔做既
但估唔到佢會咁快炒我
我地想置業 所以依一刻唔想俾佢炒
係驚佢會用唔知啲咩手段迫走我
唔理架喇，有懷孕証明無做d咩超大錯佢地都郁你唔到，佢玩嘢嘅話你咪同佢慢慢玩，梗係產假重要，可能bb就係嚟幫你先會而家先發現有bb。所以放輕鬆，Plan A唔得就Plan B
3個讚
我都好想心情輕鬆啲呀！！
如果你間公司做唔住要摺埋你都係要走，但未發生既事唔好諗咁多，聽日拎左證明再睇佢點講。
公司知你中左就即刻話炒你？
咁佢又唔會咁快摺
佢想cut人手
咁你可能有免死金牌, 但坦白講, 如果你都打算生完唔做就不如睇情形而家唔做(但R下肥雞餐)或做多幾個月算, 陀B最緊要心情愉快, 如果工作有壓力對你未必係好事
唔係，本身係我近排睇到啲細微野
覺得公司想炒我 到左今日叫我簽mpf啲野
我之後問，公司係完全無知會過我
想叫我做到月尾
迫於無奈我講左我以家情況俾我呀頭聽！
佢話如果真的有左要俾證明
快d 比懷孕証明公司先，保住分工先。一定要用email 比，有証有據。
我覺得生完先唔做好d,始終生bb 都用好多錢。
5個讚
你經濟狀況OK嗎？
公司因咩事layoff?
我都係一般，暫時無咩負擔
公司話賺少左好多 要cut人手
要快趣攞醫生証明交比公司，炒你有排補
佢未畀通知話炒你 唔會無啦啦叫你簽MPF嘢架喎。。。睇清楚係咩文件 唔好亂簽嘢
1個讚
無負擔就不要擔心了，放鬆心情，將來大把時間揾錢。
唔知你公司情況，如果好差，不如安胎算啦。
我自己就遲職安胎，頭幾年自己揍。
1個讚
其實我之前都係諗諗下
點知今日sd份野俾我叫我簽
我緊係唔簽啦
之後又同我講話唔使理依份野住
我深深體會到依間公司真係好差