腳指公有隻腳甲倒生… 又痛又發炎… 已經睇左普通科食藥同搽藥膏，但都冇用… 已經兩個月都未好返
大家知唔知應該睇咩醫生？ 或者有冇試過要點處理？
倒生?係咪即係生入肉? 之後發脹含癑?
我細個成日都咁樣，睇醫生佢話我剪腳甲方法錯引致
原來腳甲不能貼邊剪(孤形剪/剪太貼肉是錯)，要等腳甲生晒出嚟先平剪 (成隻白板咁先啱)
最後係打麻醉剪左人生最貴一次腳甲，5舊水，醫生醫法係(令人極度不安)垂直剪我腳甲兩邊至底(滿清十大酷刑!)，剩返中間等佢慢慢生返出嚟，話你聽果晚麻醉藥過左之後係痛到我叫救命(痛不欲生呀)! 我覺得同生仔相比係絕對痛過生仔!!
唔明添
其實係要睇邊科醫生？
唔太嚴重既普通醫生／外科醫生都可以， 其實正確應該睇骨科
1個讚
睇普通科醫生咋，比隻腳佢睇佢話可以咁醫
唔明咩叫垂直剪? 平時剪腳甲咪橫剪嘅，果次係直剪，確保兩邊無指甲再生到入肉，想像啲酷刑挑指甲果種啦，但打左麻醉係唔覺痛嘅，係過左麻醉先想死!
想像到有幾痛，應該痛到食強力止痛藥都唔得
但垂直剪完佢都會打橫生返㗎？
痛到打冷震，落地果下痛到標眼淚
會生返好呀，廿幾年前嘅事啦～ 到而家都無再倒生啦，證明剪法啱的確可根治
1個讚
Yes 我後生嗰陣都係咁，腳甲生到插入肉
後來發現原來唔可以剪到好貼肉，要留到塊甲嘅角位要生出嚟先唔插入肉
我係去整gel甲，甲形要整方形，有啲gel冚住塊甲，慢慢塊甲就會跟住啲gel個形狀生出嚟，唔會插入肉
我同我家姐都有呢個問題，都係靠整gel甲生返好個甲形，令到塊甲唔好插入肉
咦你個方法好喎