有打算去移民去英國.單親媽媽帶高齡女女過去,我知道19歲可以讀大學,但我真係比唔咁多錢去讀,請問有無D好似香港IVE/毅進既院校,係平平比佢係個邊讀書呢?
假設唔膽心打杖同封關,如果已經 19歲,會否考慮係香港讀埋 U 先去?
因為我見以家英國易入,但唔知過多一,兩年後英國會唔會改,所以想快D入左先!
2025年會有review
好似英國有啲課程可以讀,聽講英國人本身都唔一定讀完大學因為學費貴
不如打去廣東話熱線試下問
即係可以等到2025先再考慮?
我都係打算比佢讀類似college個D!又有諗過,其實佢都已經可以出黎做野,好唔好大家過去頭兩年都做野,安頓好哂習慣點先再搵書比佢讀?
其實都係睇你急唔急,撇除政治因素,去到2025年都仲有4年時間剩,想讀書爭取時間係香港讀2-3年,自己同個女再搵下錢,趕得切就得…同埋依家過去,唔一定要即刻讀書,俾時間佢出去做下嘢都可以?以上都係一d個人睇法
都可以諗下做嘢,或者考慮下北愛啲大學
喺英國若果可以考到啲資格都ok,好似湊小朋友,照顧老人家都可以考牌,考到牌我見人工唔錯,稅前有三萬六千鎊一年架
男仔就可以諗水電牌果啲,仲有廚師咁,廚師在英國屬於專才果類,仲有it
大把U 有foundation, 不過想入頂級好U 還是乖乖高考吧…
我會睇下佢考DSE考成點,如果佢考得好又搵到大學,可能真係係香港讀左大學先!如果考得唔好,再考慮過去齊齊打工!
如果佢本身鍾意讀書,咁會浪費左
認真, 只要不是智障, 香港人過去英國一定入到唔差的U!
Foundation 只要有錢就讀得, 香港人好難升不上, 只是最頂級U無此玩法!
考高考的話, 起碼都幾條A (A*有14%), 好U都基本必入, 頂級U就看造化!
其實佢係香港成績只係一般,佢唔係讀書好叻既人,只係我想佢再讀多D,有錢我當然會毫不考慮比佢讀大學,以家問題就係夠過去,夠基本生活同租樓,但真係唔夠比外國人價錢的大學學費!
你預佢咩grade? 英國高考你預高香港兩至三個grade, 而目前香港U錄取好像還是一視同仁! 與其香港讀IVE不如考英國高考再讀香港U…?
可以考慮London U external. 學費唔貴。香港HkU Space 都有部份課程,可以問下了解多啲
大學以後有需要都可讀返,如果想直讀上去,試下 check 下scotland 大學,海外學生學費平 england 好多。
St. andrews今年排第三!
St. Andrew 學費唔平,£25100一年
講真非local一定貴, 英國大部份名牌大學其實靠留學生揾食…以錢為考量的話一定是香港讀, 性價比就視乎對張沙紙的睇法…