已經來到2021年，奉勸家長唔好再沉迷名牌主義。比多小小心機fc 下間小學仲係咪有想像中咁理想，尤其經過疫情，眼見有部分傳統名校轉身都比較慢（即係無咩zoom/video class, 又無咩額外support），辦學問題開始浮現，比較倚重老本。咁既身教仲可否教到小朋友危機應變呢？
一退潮，就知道邊個無著褲了。
講到zoom, 近日台灣疫情爆煲學校改做全zoom, blogger話小朋友在家上體育課游泳課都輕易辦到，放晒電，仲忙過返實體學，人地又係點修改課程內容做到實體課堂效果呢？睇到牙癢癢，好appreciate 學校既創意。
小朋友1日晌香港讀書，1日都要跟個「規則」玩。
家長緊係知道小朋友去合適自己程度嘅學校讀書開心啲啦，但當身邊個個都谷到行，報幾廿間名校。係咪真係可以咁清高？！
呢班家長今日投訴功課多，到比少啲，佢哋咪又投訴功課少囉。既然功課多讀得辛苦，校長又唔聽意見，但班家長一樣唔肯退學，點解？
因為嗰間叫拔萃，英文津貼學校，講到底邊捨得退。
呢間嘢年年都請人
唔止呢樣，拔小仲有非常高嘅教師流失率，六年級兩位班主任都係代課老師代足一年，五年級其中一個班主任請假一年冇出現過。有家長已經有意插班走。
功課多原因係裏面行政同課程混亂，課程主任冇一個清晰課程規劃，導致啲老師唔知應該畀乜功課、教乜課程，所以唯有亂畀，同埋畀唔到指示學生應該點樣完，搞到學生唔識做，最後家長包尾。教師仲慘，校長要查簿，要求老師從網上下載所有學生功課然後再紙上批改 。
家長入讀嗰刻預左係讀書，但冇諗過會咁混亂，連班主任都冇。老師代課幾乎日日唔同。
校監仲要sell學校細學生同老師關係緊密，但換人換成咁呢個pt已經不攻自破。而如果呢pt真係賣點，又點解唔管理好間學校keep住老師呢？真奇怪。
其實學校功課多，係好事。
至少好過某D名校，返學就係Happy School，課堂教60分難度，放學又好少功課。
到考試就考90分難度，如果無課外補習，考試根本唔識做。
第一次聽
功課從來都係重質不重量喎！
佢功課多係因為行政混亂而且功課難度唔適合學生，就咁畀條題目叫學生做，中學生都未必得。咁樣都叫好？？！
「到考試就考90分難度，如果無課外補習，考試根本唔識做。」呢個好少發生喎！除非係自己本身都跟唔上。好多名校嘅功課設計係有用心，重質量。
考得淺其實係壞事…
我又係唔明呢d係咩玩法。
仲有小學開始就要操校內試past paper, 又係特別。
呢個真。阿女幼稚園好多功課，我老公去「查詢」點解咁多，問可唔可以少d，老師話有其他家長投訴過功課太少
最後校長決定減功課量，講完一輪之後叫想多功課嘅家長自己安排做多次
依家果間小學就出名少功課，好在大家家長出奇地理念一致，支持學校少功課量。
其實好多學校都係有d問題，的確有家長投訴功課多，同時又有家長投訴少，如果你係校長，心裡面都會小佢地一聲
某間小學空降左個新校長，響度也文也武，有咩方法解決學生考試低分？佢個方法就係出得勁淺，結果份卷全班得2個人唔係9字頭同100分，果2個就8x同7x，你係家長又收唔收貨呢？
有咩問題
填鴨傳統未停過
“Gaining knowledge”
“Passing examination”
可以係兩樣野黎
討論多功課定少功課好d、
考試深定淺好d
不如又諗下何謂 “education”
所以其實話到尾都係一句，排名比分數重要。
DSE都係跟排名比分。
Exactly 
乜啲家長唔係好鍾意掃補充練習嘅咩？佢哋好鍾意個小朋友廿四小時都好充實架，p.S.係家長認為嘅充實。
受過家長迫害「充實」嘅，大個之後有陰影就唔會咁樣迫自己仔女（仔嗰方面，女嘅可能會繼續承傳） 