小朋友一歲多，開始諗報N班幼稚園，
而家住緊大埔三百多呎，想住大啲，
暫時唔諗移民；
諗緊搬大啲屋，又想住有露台，少大陸人，
target 上水粉嶺大埔，
邊度好
求推薦
粉嶺墟有一個幾靚嘅樓盤，環境清幽，樓下買嘢好方便，不過我真係唔記得名
粉嶺墟聽聞係疫症前都冇乜大陸人水貨客肆虐嘅
budget 幾多？諗住換幾大？
我住過粉嶺，可攻可守，比上水舒服好多，新舊樓盤村屋乜都有，可以慢慢揀
1個讚
我朋友住新峰花園，我覺得嗰度唔錯。我鍾意住喺一啲環境清幽嘅地方，而新峰正正係喺山腰位置。嗰頭交通方唔方便就見人見智啦，我覺得尚可，有shuttle bus落大埔墟黨鐵站。
大埔有露台嘅樓實在唔多，上水粉嶺嘅樓盤唔太熟悉。
2個讚
只熟上水粉嶺，想較少大陸人應該係粉嶺，花都個邊，不過無露台，聯和墟都好，係有啲隔涉
1個讚
聯和墟就係因為唔近黨鐵站先令居民有喘息空間，而個墟有齊生活所需，我去過幾次都好喜歡，雖然我唔係新東人
可能我年紀大，我較鍾意坐巴士，其實聯和墟都好多巴士，去機場、過海都有
係？！我又想知啵，等我搵下 
hmm 七百萬以下都ok ge
我未嫁前外家已搬咗入粉嶺，因為當時我哋都大個，最細嗰個都已經係大學生，反而要考慮出市區返工返學。嗰陣都有考慮過上水大埔，如果計交通，大埔應該最好，上水唔係唔方便，但係人山人海，入去行吓冇所謂，住就咪搞我，人多始終雜D！反而粉嶺會平靜D，交通唔差，樓價亦相宜D。如果你要出市區返工，可以考慮花都，比聯和墟方便，不過要小心墳景。
唔關事，我由細到大都鍾意坐巴士，我對香港嘅巴士線好熟
好怕啲人乜都黨鐵
好似就係花都
大埔，我行下大埔中心已經發癲，一間 hea 到嘅cafe都冇，好似得一間喺工廈
如果一定要露台的話，可以諗下大埔嵐山同聯和墟行過少少嘅逸峯？不過樓齡新所以兩房實用 4XX-500 呎都要 600-700 萬。兩個都完全唔近地鐵站，所以唔會有水貨客之類。
幾年前工作需要去過呢兩度，感覺 OK。
逸峰係聯和墟街市隔離，新，樓下有好多食肆，759同戲院（如果未執嘅話），對面有個兩個商場仔&巴士總站，仲有個小巴站，去火車站、大埔、上水、入沙頭角嘅都有
睇下你之後想小朋友讀邊間學校，離校愈近當然愈好，如果以學校選擇，大埔會好啲
大埔帝欣苑
係，乜都齊，唔會有水貨客，最開心就係行幾步有街市，連白糖糕呢啲懷舊小食都有，我呢頭街市冇。
但佢偏貴，真係要預七球，不過有會所有露台又新，附近衣食住行齊曬，算係咁 
。
你搞到我想去行下了又
大埔帝欣苑全部都係大約1000呎嘅大單位，300呎換1000呎似乎有d難度。