而家學左十幾堂，每堂個半鐘，叻既都已經學夠晒可以去考試。自問真係學得一般，對腳唔係好協調，今日仲一而再再而三犯埋d低級錯誤，好沮喪。
Practice makes perfect ar~
我自認資質一般，左右都要唸三秒先load 到，所以唯有學3X堂，都係每堂1.5小時。
最後順利一take pass。
(我的心態係用駕X學院舊錢搵cfu學，學多D，最多用埋補考舊錢放係第一次考試練習。)
學1X堂個陣其實我都未能兼顧揸車同兼顧路面情況，揸得好慢，經常俾人插線扒頭；
2X堂開始會放膽揸正常速度，
25+堂開始夠膽吾會比的士/van仔恰。
1個讚
多謝你既分享，令人鼓舞！
我6月尾先考應該都會學多11堂左右。如果唔掂我都會再學密d。我學梗棍van, 成日都要諗極力子同個brake，油門要點踩，尤其係停完再起個下。師傅成日話我慢。但我有陰影搞錯會撞或者死火。
我考呢個考左2次PASS
同我一樣！！！
Cfu好好，試過有一次架車入廠換極力子前特登約一堂專係練泊車同斜路開車。
個次之後，控制極力子、brake同油門係明顯地好左(但好傷車，所以入廠前先會俾我咁做)
(後尾25+堂後熟左，佢好坦白叫我第時買自動波好啦，唔好買棍波。XD)
練熟左就會feel到點控制腳同timing，
六月尾仲有時間。
我高峰期一星期學3-4次。
學得慢有機會係同我屋企冇車，學車前之前成世人都搭地鐵有關。
1個讚
我
自認手腳唔協調，當年膽粗粗報考棍波，由學車到考車，預左唔會一take pass 
最後d fd 話我死好命可以一take pass
就到考試，我仲叫教車阿蛇比我加鐘學，阿蛇話我學夠架啦，唔使加鐘
我，考試當日都覺得合格率祇有5%，考試時亦有出錯，好彩考官好人，比我合格。不過我係外國考試，如果無車牌，生活真系好唔方便…
唔使沮喪，再努力啲，學多幾堂，
學一門手藝，係必須重複練習，
有一句說話雖然好老土但係事實：功多藝術。
1個讚
我屋企都冇車同我主要搭巴士。一直冇諗過要學車，而家年紀大左迫住學真係唯有將勤補拙。
冇天份都唯有學多幾堂。係有時見自己揸揸吓又衰埋d低能野就覺得自己學極都唔夠好
希望到考既時候好似大家咁好運
現在是否等好耐才路試？
好似要等成年？
我。
學左33個鐘（足33個鐘， 有時老師仲會早到5-10分鐘到）。
我老公唔覺得我會合格，考當日我覺得我得5%會合格，好彩預倒個好考官，我係外國考，考官話覺得我係熟悉嘅路應該無問題，所以比我pass…
1個讚
我
不過都係外國考的… 我只係當時男友教同練習 (當時為左呢樣成日鬧交
) 同埋自動波… 而且好好彩當日考官唔係好難
真係要練多啲, 同我當時啲style 係誇張少少比佢知道你有安全sense, 例如望左右, check 倒後鏡呢啲… 不過唔知道香港適唔適合…
我唔係，我細妹係，成家最慢吞吞，最容易we哇鬼叫同埋唔識分左右，就係我細妹，但係佢竟然一take過。
之後我跟佢個師傅學車，師傅都話其實佢揸車麻麻，仲有啲驚添