同朋友傾開，佢覺得陀b順其自然就好，唔需要事先準備，但我之前上網睇見話大肚前就要食定葉酸，唔知大家當初大肚前有冇事先食中藥或者保健食品，定其實都係順其自然，有bb先做準備既人多? 
我有睇中醫調理，
相信調養好身體，可以增加受孕機會。
同埋都唔可以太緊張有壓力。
唔係會比較難有。
諗住今個月唔中咪下個月囉。
醫生都話備孕前3個月要食定葉酸，係防止bb脊柱裂，同順其自然係無咩衝突。睇中醫都係準備好個子宮環境好d，等bb將會住得舒服d，你當間屋用咗好耐喇無咩保養，裝修下住得舒服d。我個人覺得唔用排卵紙，唔計足哂時間個d已經係順其自然。生b呢d嘢其實唔使介意大家係點做，有d人一試就中，有d試好耐都唔中，又有好急住有，搵個自己無咩壓力嘅方法就好。壓力先係元兇
4個讚
咁要睇下你朋友咩年紀啦⋯⋯
年輕既身體問題唔大，卵巢功能（AMH)唔會差得去邊（仲有大把卵）。
但過30歲後，仲未生仔，女性健康會開始出問題，身邊好多人有朱古力瘤，子宮內膜移位，子宮肌瘤，子宮息肉，哩d都會影響排卵受精同著床⋯⋯仲有好多人不育要去check amh，年紀越大amh 越低，聽過有人廿幾歲amh 低過1 ，佢哋連試管既成功機會都好微。
好多人冇理哩d 野，到試左幾年都生唔到先去check 就太遲。
所以想生仔唔關順其自然事，關年紀同個身體機能事。
仲有就係要做婚前檢查，要check 雙方乙型肝炎，德國痲疹，hiv，甲狀腺功能，地中海貧血等等，因為如果到有左先發現有問題，就會好擔心同好傷心，地貧直頭要引產。
Check 清楚個身體，咁就安心順期自然生仔。
葉酸懷孕前都係必須ga，樓上講得好好
P.S. 我係過來人，年紀大，amh 低，有朱古力瘤有甲狀腺問題。
1個讚
amh 值比正常低即係難有孕？
yes
冇錯，amh 低即係卵子剩返唔多，如果想生就要好好把握時間，因為每個月都會排一粒卵，買少見少。
好似飲食均衡同keep體重唔好太over順其自然就好
但係淨返唔多係一回事
最多係話要盡早生
但唔明點解關難有事？
你岩呀，AMH僅代表卵的數目多少，並不代表品質，卵的品質是跟年紀有關係。
卵少唔代表生唔到，我都係高齡有左（我amh 1.x) 。
醫生建議卵少既好把握時間，少過1可能好快就會冇卵，即係停經。
其實最好問醫生專業意見，特別係不育科，佢地可以比最專業既意見你。
有啲野係要預先準備，e.g生左邊個湊，經濟負擔到嗎，隊友係咪都支持同會幫手（例如而家未有bb佢有冇幫手做家務呢，係咪family man之類），想有bb可以食定葉酸但我又唔覺得一定要避住孕去食葉酸食夠3個月先造人。如自己本身經期唔準身體麻麻可以睇中醫調理，咁邊調理邊造人我覺得都ok. 又唔駛話係要避住孕去調理到好好先開始造人，可以同步試嘅
我係做足準備，當計劃懷孕，就先用半年左右去睇中醫調理+做身體檢查+做運動咗，因為身邊有朋友陀住先發現自己身體有問題，又或者有遺傳病咁。
第一胎陀時身體都ok，小朋友出嚟都健康嘅。
但第二胎準備時間得兩個月就急住開工，唔知係年齡大咗定真係身體未夠好，陀嘅過程係辛苦好多，同埋小朋友出嚟係身體差啲嘅（好容易病）。