我而家懷孕大約10 周左右，呢兩日覺得個bra 緊到有d 透唔到氣。 但係胸既cup 數無變，感覺係下胸圍變大左。我上網睇懷孕初期應該無咁快有變化，想問大家會唔會初期就買定新既bra??
因為荷爾蒙改變，孕婦胸部會慢慢變大，建議早啲換大size 嘅無鋼線bra。
初期好多孕婦會害喜，一個舒服嘅bra 會令你舒服啲。
正常，愈到後面正常bra仲辛苦
所以果時我換哂uniqlo 啲無綱線bra，後來我餵人奶就繼續著佢
要買無鋼線bra, 唔好扎住啲乳腺，會影響遲啲生完之後餵人奶
你可以買住兩三個而家嘅size(但扣到最緊嗰格，側面同前面中間個位要有空位，唔好壓住)
，可能多一兩個月之後又要再買大啲
我係直接買大啲嘅Bra，懶得之後又要再買
一定要記得換bra 呀 鋼線舒服好多
會唔會離罩唔舒服？ 我就係尷尬唔知應該咁快買大d 定係等多陣
下圍大左但無升cup…
我3個月就去買孕婦胸圍同底底啦。
普通嘅真係著到好唔舒服
買完即著簡直覺得係復活一樣
我喺孕婦專門店買，始終要著成個孕期+哺乳期
對自己好d
呢句十分同意，買完一著，覺得重生一樣；害喜已經狂嘔，個bra仲唔啱戴真係好辛苦。
試著時已經唔想除番落嚟
用普通嘅會令胸變型同易有副乳
真係早買早享受
雖然都幾貴但真係唔慳得
如果你覺得淨係下圍變大嘅，試下買個延長扣頂住先。
嗰個人教我係有少少離罩
唔應該just fit㗎
同埋要買乳墊保護乳頭 
唔記得講，同埋真係唔好cool得太緊心口中間嗰度，佢話咩中醫角度會影響到BB吸收氧氣
唔知會唔會影響BB, 但一定影響孕婦呼吸先
我上網偷圖 ja，呢個好似係台灣網黎，賣唔到香港？
唔知呀!我朋友又買到，餵奶痛c我，所以千祈千祈唔好上網買
係呀係呀! 唔好貪平上網亂買，雖然胸圍同乳墊大家都大同小異， 但原來差嗰少少個效果就真係差好遠。完全做唔到我喺藍田果度的效果。舒服，奶柱多，b食得溫柔，雖然都幾貴，但為咗阿b係唔慳得
我覺得整個period，胸部變化，有專業人講解，提我點著好安心。
唔係就買咗都冇用，我胸情況教用法都有好大分別，我真係唔識~~
我都有同感, 網上乳墊同內衣褲, 著到痕同吉, 乳頭變得又硬又敏感, 仔仔食得好大力, 我真係痛到想死, 所以人哋開得呢啲價就真係有佢唔慳得嘅地方嘅
而家呢啲天氣梗係盡快換