喊左一段時間，今晚突然發覺，我已經唔識喊…好想喊，但已經喊唔出…
日日俾人鬧，日日俾人話，為左小朋友我唔出聲，唔想小朋友聽到鬧交，但我好辛苦，我好朋友同屋企人已經離開香港，冇人傾訴
鬱係個心好痛，好想喊，好想喊
2個讚
試下同朋友傾， WhatsApp 又好，咩都好，要放下負。
1個讚
其實講完都冇用，小朋友仲細，都係得忍呢條路
唔知我可唔可以忍到佢兩歲，冇通知之下，我帶埋佢離開香港
試吓可唔可以帶小朋友一齊去酒店住，
冷靜幾日，
比大家都有個抖既機會。
1個讚
發生咩事？
去住幾日酒店先？
唔好鬱喺個心度，喺呢度舒發出嚟都得㗎！一定會有人聽！唔好唔開心啦！佢鬧你當佢唱歌或當佢透明，唔需要被佢影響你嘅心情
有時慣左容忍，佢只會變本加厲
1個讚
咁點解要等到小朋友兩歳而不是立即安排呢？
1個讚
講出黎大家幫你一齊度店佢
叫佢食屎，有本事個細路自己湊囉
3個讚
小朋友幾大？你老公不嬲都係咁成日鬧你？定有啲嘢發生咗？
如果真係心淡，好好部署走。
1個讚
其實我唔明點解要忍，唔係要你爆佢，只係話返比佢聽而家係2021年，女人再唔係男人附屬品，就算做家庭主婦都係一種工作，廁所係要刷先會乾淨，小朋友係要照顧先會長大
個家大家都有份，如果有乜野做得唔夠做得唔足，佢做人老公都有責任的
小朋友兩歲已經係咁，你要好好保護自己，保護你小朋友；唔好以為你小朋友唔明唔知，試問如果阿爸日日對住阿媽帶有鄙視嫌棄眼光，小朋友係會學到的…
你要搵幫手，睇吓自己有冇產後抑鬱，唔好以為岩岩生完bb先有，生完一年兩年仲係賀爾蒙變化無常嘅時候…搵人傾吓，有好多野真係要專業人士幫手
如果無事，你老公情況又無改善，你真心要好好保署下一步
9個讚
小朋友得幾個月大…
佢有理個小朋友，但永遠句句都窒住我，我唔開心唔出聲，就講到係我有問題，話自己盡哂責任，係好老公好爸爸etc…
有次係個仔面前鬧我，我唔想同佢嘈，就一路發癲…
1個讚
其實佢唔係身邊時，我心情好好，佢一返黎開口埋口都話我，我就好唔開心
佢會調轉哂所有野講，佢脾氣暴躁，就會話我脾氣暴躁；佢冇耐性，就會話我冇耐性，真係好痴線
叫佢去睇醫生，我認真㗎
產後抑鬱唔一定只係媽咪，有時個爸爸壓力都好大
1個讚
比著我一定錄影，俾番條片成個過程佢睇事實邊個顛倒黑白，邊個無耐性發脾氣。
好抑鬱㗎成日比人話真係，尤其生完冇來
你比小朋友自己媽媽睇住先，之後正式同佢傾下
我老公有時話我，我都發下佢圍，佢先唔會欺人善
我想信他仍未適應當爸爸，責任感使他壓力爆煲，建議與他坐低好聲好氣慢慢商量，或向他爸爸媽媽求助。