阿仔8個月大開始出濕疹，頭頭都只係皮膚鞋左啲，做足補濕，點知依家一歲越出越多仲又紅又腫，睇過醫生開左類固醇，跟足醫生指示揸完好番停類，點知冇幾日又出過
心好灰，補濕cream都買幾隻擺屋企，到底有冇bb濕疹斷尾嘅例子，大家可唔可以講下可以點樣幫佢斷尾，多謝大家
類固醇用得多唔好，如一個療程後唔斷尾，試吓找專家測/睇下咩係引發濕疹致敏源
我Bb兩個月左右開始濕疹
嚴重到下巴會出水 眼睛周圍都紅紅腫腫 手腳都會不停rrrrr
基本上用咩lotion其實都冇咩幫助
去到六個月左右排到楊x強 好出名的皮膚科醫生
當然有用類固醇 （聲稱好低劑量）
用左幾日好番7-8成了
當然唔用一排又會番番黎
但當小朋友愈大 佢地抵抗力好啲
會愈用愈少 到左宜家三歲 天氣轉一轉先會番發下
類固醇都好耐冇用了
希望俾啲正能量你
2個讚
我仔用左一星期係好返曬架，停兩三日又再慢慢咁出過
一出仲嚴重過上次，真係好灰心
濕疹係會反反覆覆咁㗎啦 係會令人好沮喪
但會慢慢好的
因為全人奶關係 我會留意住自己既飲食
每當我食完麵包餅乾之類既野 佢啲濕疹就會嚴重左
所以可以搵下睇下咩令佢致敏
加油
1個讚
我bb 都係
用左紅蓋好返好多
我小朋友2個月大開始爆濕疹 , 都係睇楊志強醫生好返. 另外要留意沐浴露, 我同我小朋友用過好多濕疹沐浴露, 皮膚都係時好時壞, 甚至用浴油都唔得, 最後係HKTVMALL買羊奶皂, 就冇再痕.
1個讚
大女試過差到要食類固醇，結果果一年無高過 
然後搬咗屋去一個遠離市中心的地方住就好返
我小朋友又係七八個月大有濕疹、係超級嚴重成身爛曬果隻、果幾年乜都做過、講得出名嘅中西醫都睇過、但都冇乜用…
我曾經以為佢一世都會係咁、反反覆覆去到一年級、就好轉左、呢傢係手腳位有時會一達達、但控制到。
有日同佢反幼稚園探下老師、佢K1班主任見佢好番咁多、竟然感動到喊…
飲食呢傢冇特別戒、但麵包會自己整，同埋因為由細到大都會注意飲食、所以屋企一直冇儲存零食、佢食少好多無謂野。（曾經有朋友好驚訝我屋企冇零食…佢話佢個女由朝到晚零食食唔停…唔知點控制）
我仔當年用紅蓋好左少少、之後大爆發完全控制唔到、真係唔知點解、我身邊個個濕疹小朋友都係睇楊志強斷尾或者好左九成。
我果個B睇開既兒科醫濕疹都幾好, 因為由細睇到大, 跟得足, 又教我注意D咩, so far BB 都好左8,9 成
類固醇一停就起番，都係慢慢搵隻啱佢搽嘅lotion 同沖涼液，同留意有咩令佢起。
我BB六個月大開始有濕疹，開頭聽人講用biolane濕疹膏以為有用，但係用完都冇咩效果，直至到最近有個朋友介紹咗隻gnst濕疹 cream先開始好返啲
請問紅蓋是什麼？
小朋友三個月大開始就黎料，之後變左血人，佢呀媽我差啲對住佢抑鬱，最後試埋楊志強，好返8成(但有翻發)，之後用中醫，保健品，食療，先攪點，前後玩左我1年半…
而家變返正常BB，成日望住佢，心感安慰…
係楊志強多數用係BB身上既藥膏,係類固醇加凡士林溝稀而成，佢個樽係白色蓋紅色，一講紅蓋就知係楊醫生出嘅…
我小朋友由bb到大個都唔得
驗血check致敏原，盡量避得就避
再自制適合佢的保濕霜
到今日都係時好時壞
但至少仲可以忍手唔用類固醇
我都有用羊奶皂
發覺唔洗買咁貴
十零蚊一舊皂已經好足夠
有冇媽媽試過sovos ?我仔呢家半歲，頸同面都有濕疹，醫生開左類固醇但唔想搽住，怕一唔用會發得勁過之前