30月大男仔，評估結果有少少出乎意外，哥哥早年已評為自閉譜系，哥哥兩歲時已就飲食問題睇ot同pt，有比較下，家人都覺得弟弟嘅情況無咁差，估唔到都評為顯著speech delay，發展大約係歲幾階段，兒科醫生同語言評估都建議及早介入。
弟弟今年九月將讀K1，我嘅資訊已經停留喺10年前，10年後嘅訓練費又再升咗，負擔唔起
，依家仲有冇啲乜嘢支助計劃可以平啲上pt？
介唔介意講下弟弟日常講野係點？
有部份幼稚園會提供在校課程，係小朋友返學時間提供訓練，當然唔係日日有，有機會一個月三至四次，不過你要向學校提供證明先可以安排，你要問返學校接受邊類證明（私家醫生定政府出既證明）。如果想接受密D既治療，就要搵私人或協康呢類機構
有無轉介你小朋友申請e/I/o位？因為你一申請，就會收社署信介紹做經濟審查既資助，用平啲既錢去指定機構做完訓練先
評估完話會轉介，不過應該要等見埋轉介社工先正式通知社署同幼稚園。
日常中有1/3時間有對答，不過小朋友句子喺6-7個字內，評估結果話詞彙過少同行為上缺乏互動共享，即係話我哋溝通比較單向，多數由小朋友做主導，比較少接受我哋發出嘅訊息而行動。
1個讚
加油