因為我身邊未有朋友有生育經驗，兩公婆都係獨子獨女，基本上都係靠自己上網搵資料去學，但網上資料好似比較散亂，唔知大家有冇同感 
想了解下各位爸爸媽媽平時有咩方法，謝謝 
健康院網站
我啲小朋友都好大個，以前成日都上去睇資料，仲有短片睇。
1個讚
你係咪講緊 fhs .gov.hk?
去健康院做產檢嘅時候，會收到一疊小冊子，入面有好多有用資訊，睇晒佢會知道好多嘢
懷孕飲食方面，我果時係捕左兩個星期圖書館，睇咗好多孕婦飲食嘅書，再寫適合自己嘅餐單
我果陣去圖書館借書, 借果D逐周逐周講嘅書, 等自己一路陀都可以睇返有關嘅資料
當年蘋果動新聞前身，有一個節目叫"媽 B 台"，我響果度學咗唔少知識
入同期媽媽谷
定時定候就會有人提你要做咩檢查，食咩買咩
唔鍾意啲媽媽谷
一係就想sell嘢，一係就叫人夾團購
見過唔少媽媽真係落搭買嘢
2個讚
以前參加過媽媽谷到一歲搞咗個酒店自助餐，成班爸爸媽媽同檯食飯都唔知有咩好講，好似最後有人話個搞手收參加費自己袋咗好多錢，唔太清楚，個搞手喺Facebook unfriend晒啲媽媽。
有啲媽媽好推介私家醫院、私家醫生、playgroup返好貴嗰啲、幼稚園揀名校，我就無佢哋咁有經濟能力喇。
其實上網睇係好雜亂，
不過我都係上網睇返人哋嘅分享，
好多香港網站台灣網站都有，
有啲人嘅親身經歷都好值得參考，
睇你想搵啲咩資料囉
當然去問醫生更好啦
我有朱古力瘤，
好多人話要割咗去，會容易懷孕啲，
但亦都好多人話割咗佢其實都會生返（佢哋嘅親身經歷），
問醫生，佢都係咁講，但醫生會講多d手術嘅好處同唔好處，以現今微創嘅技術，原來割咗佢係會割埋d 卵泡，令到剩返唔多嘅卵子更少（我本身有卵巢早衰）
如果真係想懷孕，建議去搵醫生做一次婚前檢查& consultation 先，再徵詢吓醫生有咩要注意，如果身體正常，醫生會建議你量體溫，留醫排卵時間，建議行房時間等等⋯⋯
但Touchwood 有咩事，都可以早啲比建議你。
你地似乎都好年輕，有咁嘅學習心態好好啊，都係個句，有一定既能力，有仔真係趁嫩生！
我果陣都係問下阿媽，睇下網上文章，爬下討論區咁咋
Me2!再加comment sense!
一定要思考下人地講既野！
因為有啲可能係廣告，有啲方法係人人唔同！
所以冇可能「一本通書睇到老」
你指備孕定懷孕？
如果你已經大左肚健康院會比好多書仔，全部都好有用，至少比網上嘅正確啦。
上網睇同入媽媽谷，咁當然都真係有團購之類嘅野，不過自己決定，我都冇咩跟團購買野，不過有join團購影孕照，會平d嘅，同埋多d相。
始終group入面都有d係二寶媽，甚至三寶媽，可以得到一d資訊，不過都要自己求證下人地講嘅野，有時又可以呻下，大家同期，感受相近，會傾得埋，再之後會有幾個fd d，咪再開細group，自己又可以約出嚟玩，d 1歲party果d過百人嘅party我就冇join，但自己幾個就會出席，小朋友大左都多個朋友一齊玩。
1個讚
我keep到幾年都有同某幾個聯絡同間中一齊出嚟玩下
健康院有冇叫你上產前班？
或者同朋友傾
網站我通常去香港fhs/外國baby center
果陣俾錢去醫院上產前班
有notes派 教點坐yoga ball, 教沖涼換片
見樓上講話上堂學幫bb沖涼，我都記起我join 左美素xx 個免費講座，有營養師同其他專家教你關於懷孕同照顧初生既野，幾適合新手媽媽。
我見其他媽媽話參加過其他免費講座，但佢地話唔係個個講座都咁有用，美素xx嗰個幾好。
係呀, 上醫院啲班都好有用架。個人推薦威院個靜觀班, 入左產房減痛好有用。個工作坊講生時D痛係點樣, 會令你有心理備準。可能遲D其他公院都會有搞, 如果係威院生不妨報下。