黎緊13週，都仲係胃痛，食又痛唔食又痛，
本時自己煮更加冇咩胃口吃，一黎買餸選擇又唔多，依家天口熱，平時會煲下咸蛋冬瓜湯下火，又會煮涼瓜牛肉，魚香茄子，腐乳通菜，而家好多都唔食得，剩係可以蒸個魚，炒個菜，梅菜肉餅，蒸排骨，真係悶而又唔夠開胃。
跪求各位過來人有冇咩餸介紹呀，等我有返d 食慾都好
1個讚
當時我勁鍾意食生果，因為好想食甜野就盡量食生果而唔係食朱古力 
鍾意到會加生果入去炒餸好似咕嚕肉,芒果炒牛柳
1個讚
要開胃就唔知，不過你食下蓮子百合，煲湯時可以放D落去，又飽肚，又安胎。
1個讚
自己煮更加唔想食呀~ 一定會好懶!
我多數都係菜+水餃(自己包) 加埋"陸"個麵食, 有時會加包湯(現成湯包) 做湯底, 少D功夫又唔洗下下外賣~
如果小菜都係D簡單野好以蝦仁炒蛋, 蕃茄豬扒, 椰菜花炒肉片~ 最緊要唔洗好多時間準備!
1個讚
木瓜沙律?
大肚唔好食木瓜呀，愈青愈唔得，沙律都唔好，生嘢有李斯特菌嘅風險
2個讚
如果胃痛，夜晚食啲易消化嘅，最緊要唔好訓覺都仲頂住唔舒服。訓唔好脾胃都會差，硬性循環。晚餐可以試下淮山茨實蓮子百合煲粥，我食素所以無俾肉。你啲粥煲佢個幾鐘之後加啲調味豬肉碎大滾10分鐘熄火。調味都唔好太執著話要少鹽，最緊要好味食得落先。海鹽、胡椒、菰粉、靚豉油…總之鍾意就落。如果真係好攰無心機，出街食喇，嗌啲士多啤梨骨、橙汁排骨，會開胃。但唔好去靚嘅中菜廳食咕嚕肉，怕人地太講究真係有落山楂，對個胎唔好。希望你嘅胃痛情況會慢慢好。
2個讚
唔駛太執著要食得清淡，唔食生嘢、無焗過嘅芝士、軟雪糕，唔好飲酒就得。
婦產科醫生同我講，想食咩食得落就食，汽水、M 記都ok，西醫無介口嘅概念。
2個讚
聽講瓜類都唔可以食
1個讚
梅菜腐乳鹹蛋都唔係咁健康
1個讚
同意，其實只要唔係生嘢(有寄生蟲、細菌)又唔係酒精，我都食好多垃圾食物
當你勁無胃口嘅時候真係唔使太在意啲營養，因為你唔食就真係乜嘢營養都冇。
不過麥當勞啲嘅汽水含菌量好高，我大肚後飲親都肚屙所以小心啲！要飲就飲罐裝嗰啲。
2個讚
我今晚自己煮左個濃番茄湯通心粉，
都開胃食到。
但另外要煮飯比另一半，佢依家食2人份量（因為我唔想食），咁攪法佢會越黎越肥
1個讚
汽水m記本身都唔健康，唔好食咁多
1個讚