阿女9歲突然基因突變頭髪自然曲又乾又旱,唔知㸃搞。
有用電梳又怕好傷頭髮
都係落多啲護髮素同護髮油 hair milk…
我自己用過負離子梳，冇乜用
可能試下落多D護髮素，護髮油
狠心D就剪短，慢慢養返好D頭髮
1個讚
都可以一試，但要承受樣衰嘅風險
可以襯暑假試下，唔使見咁多同學仔 
我都係突然由直髮變曲，由油性變到乾性。
洗完頭自然乾就會變曲，每日用直髮夾夾直。
落幾多護髮素都無用。
依家夏天，我直頭放棄夾頭髮，直接扎辮算⋯
到冬天再算。
完全一樣
主要係前蔭,之前剪過再生仲曲d
我問過做salon嘅朋友，佢話有後天變曲，就算剪短再生都係曲。
我日日唧10幾下護髮素，隔日用髮膜，用馬油洗頭水，朋友話用完好笠嘅洗頭水我都買嚟用，都變曲⋯⋯
我用直髮夾之前係用直髮梳，風筒再加把梳果款，半乾下吹直，係可以keep到半日，中間一定一定唔可以整濕頭髮，唔係又曲返⋯⋯
係喎 我已經又幫佢焗油,髪油乜都試過
就算夾完梳好,出左汗放學就鬆起哂
扎起頭髮無咁樣衰⋯⋯
唯一可以做嘅係keep住焗油，希望有一日變返直
長期all back 
青春期會有呢啲頭髮變曲同髮質改變㗎，我同細佬都係咁，冇辦法架，只可以後天補救，但千祈唔好咁落咁多油性嘢，受唔到頭髮會變成一pat pat的
我都發現愈搞愈衰咁。
2個讚
搵返個post啦。
樓主，我試用緊一款韓國洗頭水，用咗一個月，再趁頭髮半乾狀態掃d髮油，有改善。
仲有，你女用邊類梳？介紹你用豬鬃毛梳。
我轉用咗洗頭水+豬鬃毛梳後頭髮滑咗少咗毛燥。
好呀我試下先,平時用普通膠梳炸
韓國洗頭水係乜牌子?
平時椰子油我用嚟擦面都擦左好幾年，等我今晚開始試吓呢頭髮都擦先
買把豬鬃毛梳用下，係貴但好好用！
洗頭水係CP-1，要用一段時間先有少少效果。
1個讚
好呀