小朋友有輕微ASD, 社交比較弱, 我地兩公婆對小朋友冇咩大期望 只要佢身心健康& 開心快樂就OK, 我地將會搬去港島東區, 想問問大家邊間會比較適合?
好多人話佛教康山係happy school, 星期三係無功課日。不過我之前都係網上見過有自稱係家長批評佢哋對SEN支援。
我小朋友讀北衞，唔會教深，但有測考，但唔太難。老師好，佢讀得開心
1個讚
如果係想乙一穩入，唔想入埋啲寶中寶，14 網有太古（應該都仲得）、康山（一定得）。兩間都唔係多功課。16 網就乙一穩入嘅都唔係區內好受歡迎（升中唔好諗話只要頭 10 名就一定可以考入 Band 1，要有心理準備）：梁李、救世軍、筲官
如果覺得佢讀書能力還 OK 都想搏一搏啲靚仔少少嘅學校：14 網 丹循、北衛。兩間都大熱，所以唔一定入到。
不過好多學校到四年級就開始 chur 學生讀書。
1個讚
請問救世軍中原慈善基金學校ok嘛？ 我見佢用普通話教中文 真心唔太想佢小朋友讀
呢間係東區(16)係比較靠後嘅小學，有無咩特別原因想揀佢？
只係因為位置同屋企好近
我為回應你特登開新account
遲來了，請見諒！
我仔都係SEN，仔來緊9月將會升小一，因為同學媽媽提起，睇左東張西望知道你講嗰間學校，剛剛爆出歧視非華裔人士戴頭巾。
我都係揀寶校，各區方便我的都有睇。
咁橋真係有睇東區，一早決定東區揀一間來叩門。我今年有000叩柴灣明德，面試零學術(touchwood我叩的幾間，一係寶校到有表就call, 一係面試零學術)。
剛過去星期明德打左來取錄我仔，因為已叩到無咩學術要求+廣教中+地理位置較好的甲一小學，所以我又含淚放棄左個位。
推介比你！中原基金咁樣對待弱勢人士，就由佢啦…
明德唯一唔好處係普教中！
如想詳細講，可PM我。
願你找到一間能令個仔發揮得好的小學！
1個讚
@sk2013 多謝你呀 到最後都冇揀中原基金 派咗去第一志願-新會商會 喺中西區
已經去過兩次英語班 啲老師有愛心有耐性 好照顧SEN學生
你係咪住港島？可以考慮吓
中西區對我來講太遠，所以向高難道度挑戰，都只係try try, 叩左你哩間，斜路再行上啲嗰間呀！哈哈！
都知道你哩間都Happy, 恭喜你！
難得搵到取態咁相似既家長！
我而家嗰間係九龍區非華裔英小寶校，好期待之後一齊交流下點樣讀得happy法呀
2個讚
我好明白，最想小朋友讀得開心但都想校風好。我考慮近北循啊 
，見校網片小朋友真係當學校係「家」，感覺係發自內心嘅開心。
突然停課都收到幼稚園派佢哋寄來嘅揮春，覺得就算停面授佢哋都好有準備。
都想請教下大家14網有咩學校好
其實好少人考慮北循，可能校舍細，通常啲人考慮另外個兩間。
我有朋友個仔入面讀都開心，但我無問佢太多
1個讚
我比較關注開心同校風好
咁校風一定唔錯，同關愛型
我覺得14網3間循道衛理學校分別唔太大，我最後揀北衛係因為粵教中
1個讚
唔好意思！我是住14校網的，仔仔也是sen, 大家覺得啟基如何？雖然校舍小，不過老師好像頗關愛，謝謝你們