新手～想問下應該係經期完之後第幾日開始用嫁
同埋由深色轉淺色果段時間係咪即係排卵？
其實見到咩顏色就要行房呢
Thankyou 各位
我係黎完M乾淨晒就開始用,人地話唔好用晨尿驗,同埋驗之前2個鐘唔好飲水,因為太稀會影響深淺,然後驗到深色就代表未來12-24小時內排卵,之後轉淺色就代表已經排左卵,多數教係驗到深色DODO,轉淺又拿拿聲DODO多次,同埋睇你想生咩啦,生女就排卵前DODO易中女D(帶頭盔先,上網睇返黎,唔知有無記錯啦)
1個讚
月經週期通常分做幾part，簡單睇就係「排卵前」、「排卵後」同「月經」。
每個人週期長度多少會有啲唔同，主要就係因為「排卵前」到排卵呢段時間嘅長度唔同，而「排卵後」直到月經呢段時間通常14日左右，所以計經期完幾時用紅d取決於你經期長度
一個簡單答案就係：
由你預計下次黎月經日期 - 14日（一般女性排卵後到月經嘅長度）- 少少走盞（通常4-5日左右）
例如：
你今日（五月七號）開始黎經，通常一個週期28日計，下次黎經應該係六月四號，向前數返14+5日就係五月十六號開始用紅d
如果想簡單啲可以直接用呢類計算機（prohealth.guide/female-calculator/），揀返計排卵期，入返月經週期同上次開始黎m日期，就直接計到咩時間應該開始用紅d
（p.s. 當然如果唔care價錢，其實黎完經已經可以開始用）
顏色方面你講得岩啊，深色一開始轉淺就代表差唔多排卵或者已經排卵（因為呢類排卵試紙係驗身體入邊LH水平，越深色代表LH越高，而LH水平升到最高之後過多24-48個鐘就會排卵），
所以深色一開始轉淺個刻行房中嘅機會就最高（有啲會建議係差唔多最深色時都可以熱定身行房先，因為男士精子如果太耐冇排出過，通常精子活力會差咁啲，所以差唔多去到最深可以行一次房先，顏色開始轉淺再行一次）
2個讚
感謝兩位詳細解答