小朋友病咗(換骨髓+併發症. 但依家已經好咗好多) 我一直都唔肯同媽咪(婆婆)講 老公就一直唔開心 成日因為呢個同我吵, 發脾氣. 搞到我好大壓力. 唔知究竟我嘅堅持啱唔啱 
ps. 小朋友細個都係婆婆湊 但佢差唔多十年前就自己一個走咗去鄉下養老 覺得應該要落葉歸根係細個長大嘅地方 就係唔肯留係香港同我哋一齊住(even 婆婆嘅兄弟姊妹 其他屋企人都係香港) . 因為佢自己一個老人家係鄉下 冇親人陪佢 同埋本身都有血管同埋其他健康問題 好驚佢聽到消息後唔知會點 所以一直都唔係好想同佢講 等佢一個人擔心 or touchwood接受唔到有咩事 
大家覺得我咁做究竟啱唔啱 
我覺得唔好講比較好，
小朋友已經番好左，當無事囉。
唔講，老人家只會亂諗野，令你壓力更大
好返就唔講！
已經完結，又點解要老人家擔心呢？
（就算好返，啲老人家都一定會擔心）
同你老公商量下，你媽既事你管，佢媽既事佢管，唔好插手對方既家事比較好，畢竟大家家庭文化唔同。本來只是母女既事，搞到夫妻關係，就複雜左，對大家都無好處。
#過來人，之前為處理對方父母手法吵大架，講清楚就無事
講比佢聽己經好返
或許她會返港
珍惜當下
我會唔講，宜家又返嚟唔係容易，佢一個人心掛掛亂諗野咪仲唔好
非常認同！
大家各自管理好自己阿媽就夠
你老公嘅理據係乜？會唔會大家因為發生過啲事，所以婆婆先離開，然後佢想借依件事破冰？
又或者會唔會小朋友同爸爸講過想見婆婆咁呢？
不如大家平心靜氣坐低，講返始終你嗰邊嘅親人，都唔想驚動到老人家，因為健康問題咁。
其實係一發現有呢個病嗰陣佢已經想同我媽講，話小朋友病咁重，而且細嗰係佢湊，應該要同佢講聲。
我都試過同佢講解釋我嘅擔心，但佢就話得你媽咪有健康問題，佢自己父母都有健康問題 ，佢都照講。但問題係我老公父母身邊都有其他子女係身邊照顧，唔似我啊媽自己一個，我驚佢知道咗受刺激會承受唔到。（而且舊年我奶奶過咗身，老公嗰邊嘅屋企人都話係因為擔心我小朋友，搞到我更驚同我媽咪講）但每次我一同佢解釋，佢就好炆，聽唔入。 都唔知點好 
佢有講過我唔講你屋企，你都唔講我屋企。但每次嘈交嗰陣佢都要講 
如果我媽咪冇健康問題我唔會咁1516。 但佢都聽唔入耳
唔，睇下你老公識唔識諗。
佢嘈左，你地關係差左，你媽既事亦解決唔到。
佢唔嘈，你媽既問題雖然存在，但至少你地關係唔受影響。
如果佢唔聽女人講野，可能要男人講。我就有男輔導員。
退一步，我無話你對媽既方法岩唔岩。但就算你個方法唔岩，只要唔犯法，都唔到你老公出聲。
同你阿媽講嘅目的係乜？一個住到咁遠嘅獨居老人除咗擔心傷心，仲有乜做到？你老公都幾奇怪。
唔會講，因為怕老人家會擔心，又亂諗嘢
唔講，因為我怕煩，老人家實會擔心久唔久問長問短。
我有差唔多經驗，一直冇講（又係湊大），但我其他親戚都知，因為親戚間有醫生幫手。
最後唔知邊個冇為意爆左俾婆婆知，佢知左後日喊夜喊，行動不便又要去醫院探我女，尢其一要做手術就好傷心，係一講電話就喊喊喊嗰隻，我女都怕左佢。
老人家知左只會增加多一個人傷心，自己亦煩多樣嘢，以家我連最親都唔敢講手術日期，然後佢哋又嬲我唔講
結論係你先生有啲古怪，我唔會理佢。
我自己病左，都無話俾老人家聽，講真，佢仲要住到咁遠，而家疫情引返唔到黎，講完，真係得擔心又幫唔到手。
唔講，從來都係報喜不報憂
講完只會令老人家擔心，為乜？